Koyna Dam : अवघ्या 8 दिवसांत पाणलोट क्षेत्रात सुरू असलेल्या मुसळधार पावसाने कोयना धरणाच्या (Koyna Dam) साठ्यात मोठी भर पडली असून धरण आता अर्धशतकाच्या उंबरठ्यावर पोहोचले आहे. सध्या धरणात (Koyna Dam) ४७.८६ टीएमसी इतका पाणीसाठा नोंदविण्यात आला आहे. पावसाचा जोर संपूर्ण पाणलोट क्षेत्रात कायम असून कोयना, नवजा आणि महाबळेश्वर येथे मोठ्या प्रमाणात पावसाची नोंद झाली आहे.

एकूण पावसाची नोंद पुढीलप्रमाणे :
कोयना : १३५९ मिमी
नवजा : १६०६ मिमी
महाबळेश्वर : १९८४ मिमी

या दमदार पावसामुळे धरणात पाण्याची आवक सातत्याने वाढत असून गेल्या काही दिवसांत साठ्याने झपाट्याने उंची गाठली आहे. धरणाची एकूण क्षमता लक्षात घेता सध्याचा साठा महत्त्वाच्या टप्प्यावर पोहोचला असून लवकरच अर्धशतक पार होण्याची शक्यता व्यक्त होत आहे.

दरम्यान, धरणातून सध्या कोणताही विसर्ग करण्यात आलेला नसून प्रशासन परिस्थितीवर (Koyna Dam) बारकाईने लक्ष ठेवून आहे. पावसाचा जोर कायम राहिल्यास पुढील काही दिवसांत साठ्यात आणखी वाढ होण्याची शक्यता आहे. पाणलोट क्षेत्रातील मुसळधार पावसामुळे नागरिकांनी सतर्क राहण्याचे आवाहन प्रशासनाकडून करण्यात आले आहे.