GT vs DC KL Rahul Sets IPL Record for Fastest 200 Sixes by an Indian : आयपीएल २०२५ मध्ये केएल राहुलचे २.० व्हर्जन पाहायला मिळl आहे. केएल राहुलने टी-२० क्रिकेट खेळण्याचा आपला दृष्टिकोन बदलला आहे. तो आता आक्रमक पद्धतीने फलंदाजी करताना दिसतोय. त्याने या संपूर्ण हंगामात याच शैलीत फलंदाजी केली आहे आणि तो यशस्वीही झाला आहे. आणि आता, त्याने गुजरात टायटन्सविरुद्धच्या सामन्यात त्याच्या नावावर एक मोठा विक्रमही नोंदवला आहे.

केएल राहुलने रचला इतिहास –

गुजरात टायटन्सविरुद्ध २०० च्या स्ट्राईक रेटने फलंदाजी करताना केएल राहुलने १४ चेंडूत २८ धावा केल्या. यादरम्यान त्याने चार चौकार आणि एक षटकारही मारला. या षटकारासह केएल राहुलने एक मोठा विक्रम आपल्या नावावर केला. खरं तर, केएल राहुल इंडियन प्रीमियर लीगच्या इतिहासात सर्वात जलद २०० षटकार मारणारा भारतीय खेळाडू बनला आहे. या यादीत त्याने एमएस धोनी, विराट कोहली आणि संजू सॅमसन यांनाही मागे टाकले आहे.

KL RAHUL IS THE FASTEST INDIAN TO COMPLETE 200 SIXES IN TERMS OF INNINGS IN IPL HISTORY 🤯 pic.twitter.com/ZPGvPl460X

— Johns. (@CricCrazyJohns) April 19, 2025

केएल राहुलने आयपीएलमध्ये १२९ डावांमध्ये २०० षटकार पूर्ण केले आहेत. यापूर्वी हा विक्रम राजस्थान रॉयल्सचा कर्णधार संजू सॅमसनच्या नावावर होता. त्याने १५९ डावांमध्ये हा पराक्रम केला होता.

हेही वाचा – GT vs DC : राहुल-नायरने केली सिराजची धुलाई! एका षटकात कुटल्या तब्बल ‘इतक्या’ धावा

आयपीएलमध्ये सर्वात जलद २०० षटकार मारणाऱ्या भारतीय खेळाडू –

१२९ डाव – केएल राहुल
१५९ डाव – संजू सॅमसन
१६५ डाव – एमएस धोनी
१८० डाव – विराट कोहली
१८५ डाव – रोहित शर्मा
१९३ डाव – सुरेश रैना

हेही वाचा – RCB vs PBKS : ‘तो IPL मधील सर्वोत्तम गोलंदाजांपैकी एक…’, श्रेयसकडून ‘या’ गोलंदाजाचे तोंडभरून कौतुक

आयपीएलमध्ये सर्वात जलद २०० षटकार कोणी मारलेत?

Most sixes in IPL (Indians):

286 – Rohit Sharma (258 Inns)
282 – Virat Kohli (251 Inns)
260 – MS Dhoni (236 Inns)
216 – Sanju Samson (170 Inns)
203 – Suresh Raina (200 Inns)
200* – KL Rahul (129 Inns)#IPL2025 #IPLonJioStar pic.twitter.com/FIHITsk9Tl

— CricTracker (@Cricketracker) April 19, 2025

आयपीएलमध्ये सर्वात जलद २०० षटकार मारण्याचा विक्रम युनिव्हर्स बॉस ख्रिस गेलच्या नावावर आहे. त्याने फक्त ६७ डावांमध्ये ही कामगिरी केली. त्याचा सहकारी आंद्रे रसेल या यादीत दुसऱ्या क्रमांकावर आहे. रसेलने ९७ डावांमध्ये २०० षटकार पूर्ण केले आहेत. यानंतर, केएल राहुल १२९ डावांसह तिसऱ्या स्थानावर आहे.