KIIT International Chess Festival 2024 (Aarit Kapil) : भारताच्या आरित कपिलने वयाच्या 9व्या वर्षी इतिहास रचला. बुद्धिबळाच्या खेळात ग्रँडमास्टरला पराभूत करणारा आरित कपिल हा सर्वात तरुण भारतीय खेळाडू ठरला आहे. त्याने क्लासिकल चेसमध्ये (Classical Chess) अमेरिकेच्या ग्रँडमास्टर रॅसेट झियात्दिनोवचा (Raset Ziatdinov) पराभव करत ही कामगिरी केली आहे.

दिल्लीचा असलेल्या अरीत कपिलने वयाच्या 9 वर्षे, 2 महिने आणि 18 दिवसांमध्ये भुवनेश्वर येथे झालेल्या आयआयटी इंटरनॅशनल ओपनमध्ये यूएस ग्रँडमास्टरचा पराभव केला. अरितने स्पर्धेच्या नवव्या फेरीदरम्यान हा विजय मिळवला.

ग्रँडमास्टरला मास्टरला पराभूत करणारा सर्वात तरुण भारतीय ठरलेल्या आरित कपिलने जगातील या यादीत तिसरे स्थान पटकावले आहे. सर्वात कमी वयात ग्रँडमास्टरला पराभूत करण्याचा जागतिक विक्रम भारतीय वंशाच्या सिंगापूरच्या अश्वथ कौशिकच्या नावावर आहे. अश्वथ कौशिकने वयाच्या 8 वर्षे 6 महिन्यांत पोलंडचा ग्रँडमास्टर जेसेक स्तूपाचा पराभव केला होता.

बुद्धिबळात ग्रँडमास्टरचा पराभव करणारे युवा खेळाडू…

अश्वथ कौशिक (सिंगापूर) – 8 वर्षे 2 महिने
लिओनिड इव्हानोविच (सर्बिया) – 8 वर्षे 11 महिने
अरीत कपिल (भारत) – 9 वर्षे 2 महिने.

कोण आहे आरित कपिल?

आरित कपिल हा दिल्लीचा रहिवासी आहे. तो शालेय बुद्धिबळ स्पर्धेत भाग घेतो. आरितच्या वडिलांचे नाव विजय कपिल आहे. आरितने 61व्या राष्ट्रीय बुद्धिबळ स्पर्धेतही भाग घेतला होता. आरितने आरपीएस इंटरनॅशनल स्कूल, गुरुग्राम येथे झालेल्या स्पर्धेत भाग घेतला होता, ज्यामध्ये त्याने 183 वा क्रमांक मिळविला होता.

Champions Trophy 2025 : ‘हायब्रीड मॉडेल’साठी पाकिस्तान क्रिकेट बोर्ड तयार, पण ICC पुढे ठेवली एक नवीन अट…

ग्रँड मास्टरला पराभूत करणाऱ्या आरित कपिलने यूथ चॅम्पियनशिपमध्ये दोन वेळा रौप्य पदक जिंकले आहे. याशिवाय त्याने राज्य चॅम्पियनचा किताबही पटकावला आहे. वयाच्या अवघ्या 6 व्या वर्षी, आरितने अंडर-8 बॉईज दिल्ली स्टेट चेस चॅम्पियनशिपमध्ये त्याच्यापेक्षा दोन वर्षांनी मोठ्या स्पर्धाकाला पराभूत करून राज्य स्पर्धेचे विजेतेपद पटकावले होते.