China Masters 2026 Kidambi Srikanth Wins Lakshya Sen Shocking Exit Tanvi Sharma : चीनमधील शेनझेन येथे सुरू असलेल्या प्रतिष्ठित ‘चायना मास्टर्स २०२६’ सुपर ७५० बॅडमिंटन स्पर्धेत भारतीय खेळाडूंसाठी सुरुवातीचा दिवस संमिश्र ठरला. भारताचा अनुभवी स्टार शटलर किदाम्बी श्रीकांतने (Kidambi Srikanth) चमकदार खेळ करत प्री-क्वार्टर फायनलमध्ये धडक मारली आहे. मात्र, दुसरीकडे भारताची मोठी आशा असलेल्या लक्ष्य सेनला (Lakshya Sen) पहिल्याच फेरीत अनपेक्षित आणि एकतर्फी पराभवाचा सामना करावा लागल्याने त्याचे स्पर्धेतील आव्हान संपुष्टात आले आहे.

किदाम्बीचे कोर्टवर निर्विवाद वर्चस्व; ची यू जेनचा सरळ गेममध्ये धुव्वा –

राउंड ऑफ ३२ च्या लढतीत किदाम्बी श्रीकांतचा सामना चिनी तैपेईच्या ची यू जेनविरुद्ध झाला. अवघ्या ३५ मिनिटांत आटोपलेल्या या सामन्यात श्रीकांतने सुरुवातीपासूनच वेगवान खेळाचे प्रदर्शन केले. पहिला सेट २१-१६ अशा फरकाने खिशात घातल्यानंतर, दुसऱ्या सेटमध्येही त्याने प्रतिस्पर्ध्याला कोणतीही संधी न देता २१-१५ ने मात करत प्री-क्वार्टर फायनलचे तिकीट पक्के केले.

१७ वर्षीय तन्वी शर्माची चमकदार कामगिरी; ध्रुव-तनिषा जोडीचीही विजयी आगेकूच –

🇮🇳 INDIAN SHUTTLERS IN ACTION! 🏸🔥

Dhruv/Tanisha, Tanvi Sharma, Kidambi Srikanth and Satwik/Chirag are all set for their China Masters 2026 matches today.

Keep an eye on the Indian stars! 🇮🇳💪#ChinaMasters2026 #Badminton #TeamIndia #IndiaSportsHub pic.twitter.com/uewvcqouUZ

— IndiaSportsHub (@IndiaSportsHub) September 2, 2026

श्रीकांत व्यतिरिक्त भारताची १७ वर्षीय प्रतिभावान खेळाडू तन्वी शर्माने महिला एकेरीत दमदार खेळ दाखवला. तिने डेन्मार्कच्या अमेलिया शुल्झचा २१-१६, २१-१७ असा सरळ गेममध्ये पराभव करत पुढील फेरीत प्रवेश केला. भारताच्या मिश्र दुहेरीतील ध्रुव कपिला आणि तनिषा क्रास्टो या जोडीने थायलंडच्या टोन्नाकोर्न व टोनिचा जोडीवर २१-८, २१-९ अशी एकतर्फी मात करत शानदार विजयी सुरुवात केली.

हेही वाचा – Suryakumar Yadav Video : खेळाडू असावा तर सूर्यासारखा..!’ चाहत्याकडे पेन-कागद नव्हता, तरी स्वत: कारमधून आणून दिला ऑटोग्राफ, पाहा VIDEO

लक्ष्य सेनची निराशाजनक कामगिरी; कॅनडाच्या व्हिक्टर लाईकडून दारुण पराभव –

मोठ्या अपेक्षा असलेल्या लक्ष्य सेनला जागतिक क्रमवारीत नवव्या स्थानी असलेल्या कॅनडाच्या व्हिक्टर लाईविरुद्ध दारुण पराभव पत्करावा लागला. पहिल्या गेममध्ये १४-२१ ने पिछाडीवर पडल्यानंतर दुसऱ्या गेममध्ये लक्ष्यचा खेळ पूर्णपणे विस्कळीत झाला. दुसऱ्या गेममध्ये त्याला ७-२१ अशा मोठ्या फरकाने पराभव स्वीकारावा लागला. सलग चुकांमुळे ३८ मिनिटांतच त्याचे या स्पर्धेतील आव्हान संपुष्टात आले.