Duleep Trophy Final : तिलकच्या सलग दोन दमदार खेळीच्या जोरावर साऊथ झोन फायनलमध्ये दाखल! आता वैभव सूर्यवंशीशी होणार सामना
Duleep Trophy Final : दुलीप ट्रॉफीच्या अंतिम सामन्याचे दोन्ही संघ निश्चित झाले असून या सामन्यात तिलक वर्मा आणि वैभव सूर्यवंशी आमनेसामने असणार आहेत.
South Zone Defeats North Zone Enters Duleep Trophy 2026 Final Tilak Varma MD Nidheesh Show : दुलीप ट्रॉफी २०२६ च्या दुसऱ्या उपांत्य फेरीच्या अटीतटीच्या लढतीत साऊथ झोनने एकतर्फी वर्चस्व गाजवत नॉर्थ झोनचा ७ गडी राखून दारुण पराभव केला. विजयासाठी मिळालेले १८१ धावांचे सोपे लक्ष्य साऊथ झोनने अवघ्या ३ फलंदाजांच्या मोबदल्यात सहज गाठले. पहिल्या डावात संकटमोचक शतक झळकावणाऱ्या कर्णधार तिलक वर्माने (Tilak Varma) दुसऱ्या डावातही नाबाद अर्धशतक ठोकत संघाला दिमाखात अंतिम फेरीत पोहोचवले.
सलामीवीरांची ६४ धावांची पायाभरणी; शेख रशीद स्वस्तात बाद –
१८१ धावांच्या लक्ष्याचा पाठलाग करताना साऊथ झोनला सलामीवीर एन. जगदीशन (४३ धावा) आणि रिकी भुई (४२ धावा) यांनी पहिल्या विकेटसाठी ६४ धावांची भक्कम भागीदारी करून दिली. हे दोघे एकापाठोपाठ बाद झाल्यानंतर युवा फलंदाज शेख रशीद अवघ्या एका धावेवर बाद झाला. त्यामुळे साऊथ झोनची अवस्था ३ बाद १०१ अशी झाली होती आणि सामन्यात किंचित चुरस निर्माण झाली होती.
Five of the very best 🖐️
Watch South Zone pacer MD Nidheesh’s fantastic five-wicket haul against North Zone 💥#DuleepTrophy | #SZvNZ pic.twitter.com/oWGN7U56G1
— BCCI Domestic (@BCCIdomestic) September 2, 2026
तिलक-समरणची ८० धावांची अभेद्य भागीदारी; विजयावर शिक्कामोर्तब!
South Zone cruise into the final 🙌
They chase down 181 and beat North Zone by 7 wickets 👌
Scorecard ▶️ https://t.co/AGjIStrDAT#DuleepTrophy | #SZvNZ pic.twitter.com/UXTDC4wdF4
— BCCI Domestic (@BCCIdomestic) September 2, 2026
तीन धक्के बसल्यानंतर कर्णधार तिलक वर्मा आणि समरण रविचंद्रन यांनी कोणतीही पडझड होऊ दिली नाही. पहिल्या डावात ११६ धावांची शतकी खेळी करणाऱ्या तिलकने दुसऱ्या डावातही ७९ चेंडूंत ८ चौकारांसह नाबाद ५१ धावा कुटल्या. समरणने ४२ चेंडूंत नाबाद ३२ धावांचे योगदान देत चौथ्या विकेटसाठी ८० धावांची अभेद्य भागीदारी रचली आणि संघाला विजयाची वेस ओलांडून दिली.
निधीषचे ५ विकेट्स ठरले गेमचेंजर; ६ सप्टेंबरला ईस्ट झोनविरुद्ध महामुकाबला –
या सामन्यात नॉर्थ झोनचा पहिला डाव १७५ धावांवर आटोपला होता, तर साऊथ झोनने पहिल्या डावात ३१२ धावा करत ११७ धावांची मोठी आघाडी घेतली होती. दुसऱ्या डावात नॉर्थ झोनने २९७ धावा केल्या, ज्यामध्ये साऊथ झोनचा गोलंदाज एम. डी. निधीषने ५६ धावांत ५ विकेट्स मिळवत कणा मोडला. या विजयासह साऊथ झोनने अंतिम फेरीत धडक मारली असून, ६ सप्टेंबरपासून विजेतेपदासाठी त्यांचा मुकाबला वैभव सूर्यवंशी आणि इशान किशनच्या ईस्ट झोनविरुद्ध रंगणार आहे.
