Ketan Agarwal Murder Case : केतन अग्रवाल हत्या प्रकरणाच्या तपासात दिवसागणिक धक्कादायक माहिती समोर येत आहे. आता पोलिसांच्या तपासातून समोर आलेल्या माहितीनुसार, 14 जून रोजी केतनची हत्या करण्याचा पहिला प्रयत्न फसल्यानंतर चेतन चौधरीने थेट कटाची सूत्रे आपल्या हातात घेतली. “तुला जमणार नाही, आता हे काम मलाच करावं लागेल,” असे चेतनने सिया गोयलला सांगितल्याची माहिती पोलिस सूत्रांकडून मिळाली आहे. (Ketan Agarwal Murder Case)

पहिला प्रयत्न फसला, सियाने ‘साप’चा बहाणा केला

तपासानुसार, 15 मेपासूनच सिया आणि चेतन यांनी केतनला कायमचे आपल्या वाटेतून दूर करण्याचा कट रचण्यास सुरुवात केली होती. विविध पर्यायांचा विचार केल्यानंतर लोहगडावरून दरीत ढकलून हत्या करण्याचा निर्णय घेण्यात आला. (Ketan Agarwal Murder Case)

14 जून रोजी सिया केतनला लोहगडावर घेऊन गेली आणि त्याला दरीत ढकलण्याचा प्रयत्न केला. मात्र, केतनने स्वतःला सावरल्याने हा प्रयत्न अयशस्वी ठरला. त्यानंतर संशय येऊ नये म्हणून सियाने “साप… साप…” असा आरडाओरडा करत प्रसंग झाकण्याचा प्रयत्न केला. (Ketan Agarwal Murder Case)

‘आता मीच करतो’ म्हणत चेतन मैदानात उतरला

पहिला प्रयत्न अपयशी ठरल्यानंतर सिया मानसिक तणावात गेली होती. त्यानंतर दोघांमध्ये चर्चा झाली. त्यावेळी चेतनने “तुला जमणार नाही, आता हे काम मलाच करावं लागेल,” असे सांगत स्वतःच प्रत्यक्ष हत्या करण्याचा निर्णय घेतल्याचे तपासात समोर आले आहे. (Ketan Agarwal Murder Case)

यानंतर ठरलेल्या योजनेनुसार चेतनही लोहगडावर पोहोचला. सियाने बुटाची लेस बांधण्याचा आणि थकल्याचा बहाणा करत खाली बसताच, चेतनने संधी साधून केतनला दरीत ढकलल्याचा दावा तपासात करण्यात आला आहे. (Ketan Agarwal Murder Case)

ओळख लपवण्यासाठी हुडीचा वापर

पोलिसांच्या माहितीनुसार, किल्ल्यावर जाताना चेतनने हुडी घालून चेहरा झाकला होता. मात्र, सिया आणि केतनच्या मागे जाताना त्याने हुडी काढून बॅगेत ठेवली. तपासानुसार, केतनची चेतनशी यापूर्वी व्हिडिओ कॉलवर ओळख झाली होती. त्यामुळे तो ओळखू नये म्हणून चेतनने ही खबरदारी घेतल्याचा संशय आहे. (Ketan Agarwal Murder Case)

घटना घडल्यानंतर त्याने पुन्हा हुडी घातली, सामान्य पर्यटकाप्रमाणे किल्ल्यावरून खाली उतरला आणि वाटेत लोकांशी बोलत एका ठिकाणी चहाही घेतल्याचे तपासात समोर आले आहे. (Ketan Agarwal Murder Case)

पोलिसांच्या चौकशीची आधीच तयारी

तपासात आणखी एक धक्कादायक बाब समोर आली आहे. पोलिसांकडून चौकशी होऊ शकते, याची दोघांनाही कल्पना होती. त्यामुळे कोणत्या प्रश्नांना काय उत्तर द्यायचे, याची त्यांनी आधीच तयारी केली होती. तसेच, हा गुन्हा उघड झाल्यास किती शिक्षा होऊ शकते, याबाबत त्यांनी इंटरनेटवर शोध घेतल्याचेही तपासातून उघड झाले आहे. (Ketan Agarwal Murder Case)

याशिवाय, घटनेनंतर दोघेही व्हॉट्सअॅपवर संपर्कात होते. मात्र, संभाषणाचे सर्व संदेश डिलीट करण्यात आले होते. मोबाईलमध्ये कोणते पुरावे ठेवायचे आणि कोणते हटवायचे, याबाबतही त्यांनी खबरदारी घेतल्याचे पोलिसांच्या तपासातून समोर आले आहे. (Ketan Agarwal Murder Case)

Ketan Agarwal Case : केतन अग्रवाल प्रकरणात मोठी अपडेट; सियाचा भाऊच निघाला चेतनचा…