नवी दिल्ली : कर्नाटकातील शिवमोग्गा येथे दोन गटांमध्ये चांगलीच हाणामारी झाल्याची घटना समोर आली आहे. दरम्यान, गर्दीला पांगवण्यासाठी पोलिसांना लाठीचार्ज करावा लागला. परिस्थिती नियंत्रणात ठेवण्यासाठी शिवमोग्गा शहरात कलम 144 लागू करण्यात आले आहे. शहरात मोठा पोलीस बंदोबस्त तैनात करण्यात आला आहे.

समोर आलेल्या माहितीनुसार, हा गोंधळ टिपू सुलतान विरुद्ध स्वातंत्र्यवीर विनायक दामोदर सावरकर यांच्या नावावरून झाला होता. दोन्ही गटांना आपापल्या परीने पोस्टर लावायची होती, त्यावरून वाद इतका वाढला की हाणामारी सुरू झाली. शेवटी पोलिसांना सौम्य बळाचा वापर करावा लागला असल्याचे सांगण्यात येत आहे.

शिवमोगा शहरातील अमीर अहमद सर्कलवर हिंदुत्ववादी संघटनांनी स्वातंत्र्यवीर विनायक दामोदर सावरकर यांचा फोटो लावला होता. काही वेळाने टिपू सुलतान सैन्याचा झेंडा घेऊन काही मुस्लिम तरुण तेथे पोहोचले. या तरुणांनी सावरकरांचे चित्र काढण्याचा प्रयत्न केला. यावरून हिंदू-मुस्लिम तरुणांमध्ये जोरदार वाद झाले. घटनास्थळी उपस्थित पोलिसांनी प्रथम परिस्थिती नियंत्रणात आणली, त्यानंतर चौकाचौकात असलेले सावरकरांचे पोस्टर हटवण्यात आले.

सावरकरांचे चित्र हटवल्याच्या निषेधार्थ हिंदू संघटनेच्या लोकांनी रस्त्यावर बसून आंदोलन सुरू केले. परिसरातील तणावाच्या पार्श्वभूमीवर पोलिसांनी तत्काळ शिवमोग्गा शहरात कलम 144 लागू केले असून परिसरात मोठा पोलिस बंदोबस्त तैनात करण्यात आला आहे. याशिवाय मंगळुरूच्या सुरतकल क्रॉसरोडचे नाव सावरकरांचे नाव देणारे पोस्टरही पोलिसांनी हटवले आहे.

शिवमोग्गा येथील अमीर अहमद सर्कलमध्ये हाणामारी झाल्यानंतर पोलिसांनी अनेक तरुणांना ताब्यात घेतले. मशिदीला लागून असलेल्या बिझनेस हबमध्ये सावरकरांचे चित्र लावण्यास काही मुस्लिम तरुणांनी विरोध केला. नंतर त्यांनी टिपू सुलतानचे पोस्टर तेथे लावण्यात आले, ज्यामुळे विरोध झाला आणि वादाला हिंसक वळण लागले. परिस्थिती नियंत्रणात आणण्यासाठी पोलिसांनी संतप्त जमावावर लाठीचार्ज केला.

या चकमकीनंतर काही मिनिटांतच राजस्थानपासून 200 मीटर अंतरावर असलेल्या गांधी बाजारात प्रेमसिंग या तरुणाची चाकूने भोसकून हत्या करण्यात आली. शिवमोग्गा एसपी बीएम लक्ष्मी प्रसाद सिंग यांना रुग्णालयात दाखल करण्यात आले असून त्यांची प्रकृती स्थिर आहे. ते म्हणाले की, मारहाणीच्या आरोपाखाली अनेक तरुणांची चौकशी केली जात आहे.