Murder case :  रांजणगाव गणपती  – कारेगाव येथील हत्याकांड प्रकरणात पोलिसांनी कारवाई करत गोळीबार करणारा पृथ्वी ऊर्फ भैय्या दत्तू जाधव याला पाबळ येथून ताब्यात घेऊन अटक केली आहे. या प्रकरणातील दुसरा आरोपी आणि वाहनचालक पवन सुरेश हुंडारे अद्याप फरार असून, त्याचा शोध सुरू असल्याची माहिती पोलीस निरीक्षक कुमार कदम यांनी दिली.

हत्याकांड प्रकरणातील आरोपींचा शोध घेत असताना पोलिसांनी पृथ्वी ऊर्फ भैय्या जाधव याला पाबळ येथून ताब्यात घेतले. त्याला शुक्रवारी न्यायालयात हजर करण्यात येणार असल्याचे पोलिसांनी सांगितले.

दरम्यान, पवन सुरेश हुंडारे अद्याप फरार असल्याने त्याला पकडण्याचे आव्हान पोलिसांसमोर आहे. त्याचा शोध घेण्यासाठी पोलिसांकडून विविध ठिकाणी प्रयत्न सुरू आहेत.

पृथ्वी जाधव याच्या अटकेनंतर तपासात कोणती माहिती समोर येते आणि फरार पवन हुंडारे कधी पोलिसांच्या हाती लागतो, याकडे कारेगाव परिसरातील नागरिकांचे लक्ष लागले आहे. पोलीस निरीक्षक कुमार कदम यांच्या मार्गदर्शनाखाली पुढील तपास सुरू आहे.

ग्रामस्थांकडून फरार आरोपीला लवकर अटक करण्याची मागणी
गोळीबाराच्या घटनेनंतर विकास नवले आणि त्यांचे कुटुंबीय भयभीत झाले आहेत. त्यामुळे फरार आरोपी पवन हुंडारे याचाही पोलिसांनी लवकरात लवकर शोध घेऊन अटक करावी, अशी मागणी कारेगाव ग्रामस्थांनी केली आहे.