Kolhapur:  ‘गोकुळ’ दूध संघाच्या निवडणुकीत विरोधकांचे बहुमत असतानाही सत्तेत असलेल्या पक्षांनी डावपेच आखत शासकीय संचालक नेमल्याने यावर तीव्र राजकीय पडसाद उमटले आहेत. गोकुळच्या अध्यक्ष निवडीसाठी सतेज पाटलांच्या समविचारी आघाडी कोरम पूर्ण न करता आल्याने शासनाने चार संचालकांची नियुक्ती केली. मात्र महायुतीच्या निर्णयाविरोधात संतापाची लाट पसरली असून अवघ्या देशामध्ये या निर्णयाची चर्चा सुरू आहे.

गोकुळमध्ये 25 पैकी 13 जागा जिंकलेल्या राजर्षी शाहू शेतकरी समविचारी आघाडीचे नेते आमदार सतेज पाटील यांनी या निर्णयाविरोधात रस्त्यापासून कोर्टापर्यंत लढाईची घोषणा केली आहे. सतेज पाटील यांच्या नेतृत्वात आज सोमवारी कोल्हापुरात समविचारी आघाडीचा संघर्ष मोर्चा निघला याआहे.

या आंदोलनाला मोठ्या संख्येने आंदोलक पोहोचल्याचे दिसत आहे. पोस्टर, पायतान अशा विविध माध्यमातून महायुतीच्या नेत्याच्या विरोधात मोर्चा काढला जात आहे.

कोल्हापुरात गोकुळ दूध संघावरील शासननियुक्त संचालक निवडीविरोधात सतेज पाटील यांच्या नेतृत्वात दसरा चौक ते जिल्हाधिकारी कार्यालयापर्यंत हा मोर्चा काढण्यात येणार आहे. या मोर्चात आता  म्हशी सहभागी झाल्याचे पाहायला मिळतेय.

‘गोकूळ वाचवा’

म्हशीच्या गळ्यात ‘मला पण गोकुळवर संचालक म्हणून घ्या की असा बॅनर लावण्यात आलाय. तर आणखी एका म्हशीच्या अंगावर ‘गोकूळ वाचवा’ असा संदेश लिहिलाय. या मोर्चातून आंदोलक भाजप नेत्यांवर निशाणा साधताना दिसत आहे.

विविध बॅनरने वेधलं लक्ष  

‘लक्षात ठेवलंय 2029 हे कोल्हापूर हाय, बरं झालं सतेज पाटील साहेबांच्या नेतृत्वाखाली समविचारी आघाडीचे 25 संचालक निवडून आले, नाहीतर भाजपला 26 स्वीकृत संचालक घेऊन बहुमताचं गणित जुळवावं लागलं असतं,’ ‘गोकुळसाठी एवढा रडीचा डाव खेळणारे विचार करा यांनी विधानसभेसाठी काय काय केलं असेल? ही संघर्षाची शेवटची दिवाळी असू दे, हे कोल्हापूर हाय,’ असं सुद्धा एका बॅनरमध्ये म्हटलं आहे.

यामध्ये म्हटलं आहे की, ‘एक खासदार कमी होता म्हणून राजीनामा देणारे अटलजी कुठे? आणि एक संचालक कमी आहे म्हणून चार संचालक नियुक्त करणारे कुठे?’, ‘गोकुळचा निर्णय बघितला आणि वाटलं इंग्रज आणि यांच्यात फरक काय राहिला? भारत स्वातंत्र्य करण्याची वेळ आलीये?,’ अशी विचारणा सुद्धा करण्यात आली आहे.

नेमका का होतोय विरोध?

गोकुळ दूध संघात शासननियुक्त चार संचालक नेमून त्यांना मतदानाचा अधिकार देण्याचा राज्य सरकारचा निर्णय पूर्णपणे बेकायदेशीर असल्याचा आरोप राजर्षी शाहू समविचारी आघाडीने केला आहे.

या निर्णयाविरोधात राज्य सरकारने जारी केलेला अध्यादेश व राज्यपालांनी काढलेला वटहुकूम रद्द करावा, या मागणीसाठी समविचारी आघाडीने मुंबई उच्च न्यायालयाच्या कोल्हापूर सर्किट बेंचमध्ये याचिका दाखल केली आहे.

गोकुळच्या नवीन अध्यक्षांची निवड करण्यासाठी मंगळवारी सकाळी 11 वाजता विशेष सभा पार पडणार असून त्यापूर्वीच सरकारने हा अध्यादेश मंजूर केला आहे. या याचिकेवर सोमवारी सकाळी 10:30 वाजता सुनावणी होणार असून न्यायालयाच्या निर्णयाकडे संपूर्ण जिल्ह्याचे लक्ष लागले आहे. Kolhapur

हेही वाचा: 

Vihaan face reveal: पिवळा ड्रेस अन् चेहऱ्यावर गोड स्माईल… कतरिना-विकी कौशलच्या मुलाचा पहिला फोटो चाहत्यांच्या पसंतीस