Jotiba Yatra – येथील श्री जोतिबा यात्रा विविध धार्मिक व सांस्कृतिक कार्यक्रमांनी व जोतिबाच्या नावानं चांगभलं च्या गजरात उत्साहात झाली. यावेळी श्री जोतिबा देवाची पालखीतून गुलालाची उधळण व फटाक्याच्या आतषबाजीत भव्य मिरवणूक काढण्यात आली. यात्रा काळात दररोज पहाटे श्री जोतिबा देवास अभिषेक, आरती, देवाच्या केदार विजय ग्रंथाचे पारायण सुरू होते. व्यासपीठ ह.भ.प अनिल क्षीरसागर यांनी सांभाळले. ग्रंथांच्या सामुदायिक वाचन समाप्ती नंतर ह.भ.प विजय महाराज शिंदे यांचे किर्तन झाले. तोफेची सलामी देवून श्री जोतिबा देवाची पालखीतून भव्य मिरवणूक काढण्यात आली. या मिरवणुकीत उंट नगारा, घोडे- मोरांग्या, सोलापुरी लेझीम, बंगाळ्या सुर- सनई, हालगी, महाकाल (अघोरी) आणि तोफ सलामी यांसह बॅन्ड, डि.जे, विद्यूत रोषनाई, फटाक्यांची आतषबाजी करत जोतिबा देवाच्या पालखीस सुरुवात झाली. महाकाल (अघोरी) कार्यक्रमाने उपस्थितांची मने जिंकली. दि. 2 रोजी भाविकांसाठी महाप्रसादाचे आयोजन करण्यात आले होते. रविवार दि. 5 एप्रिल रोजी ऐश्वर्या जाधव-लातूरकर यांचा बहारदार कार्यक्रम श्री ज्योतिर्लिंग मंदीराच्या प्रांगणामध्ये होणार आहे. यात्रा यशस्वी करण्यासाठी अध्यक्ष संजय गोडसे, कार्याध्यक्ष नितीन गोडसे, उपाध्यक्ष नितीन यशंवत गोडसे, अक्षय थोरवे, विशाल गोडसे, डॉ. राजेंद्र गोडसे, धनाजी गोडसे, विनायक गोडसे, ग्रामस्थ व ज्योतिर्लिंग यात्रा कमिटी यांनी परिश्रम घेतले.
