Strongest Brand Jio: रिलायन्स इंडस्ट्रीजची दूरसंचार कंपनी Jio हा 2024 सालचा भारतातील सर्वात मोठा ब्रँड ठरला आहे. जीओने स्टेट बँक ऑफ इंडिया आणि लाइफ इन्शुरन्स कॉर्पोरेशन सारख्या कंपन्यांना मागे टाकले आहे. ब्रँड फायनान्सने जारी केलेल्या ‘ग्लोबल-500 2024’ अहवालानुसार, Jio सर्वात मजबूत ब्रँड म्हणून उदयास आला आहे. जगातील सर्वात मजबूत ब्रँडच्या यादीत Jio 17 व्या स्थानावर आहे. WeChat, YouTube, Google, Deloitte, Coca-Cola आणि Netflix या यादीत अव्वल आहेत.

एलआयसी आणि एसबीआयला –
‘ग्लोबल-500 2024’ च्या सर्वात मजबूत ब्रँडच्या यादीत, LIC जागतिक स्तरावर 23 व्या क्रमांकावर आहे. तर भारतातील सर्वात मोठी सरकारी बँक SBI चे नाव या यादीत 24 व्या स्थानावर आहे. या दोन्ही भारतीय ब्रँडने इंस्टाग्रामला मागे टाकले आहे. अहवालानुसार, WeChat, YouTube, Google, हॉटेल ब्रँड मरिना बे, रोलेक्स, बँक ऑफ चायना, स्विसकॉम, चॅनेल, स्टेट ग्रिड, EY सारख्या अनेक मोठ्या ब्रँडची नावे 25 सर्वात मजबूत ब्रँडच्या यादीत शीर्षस्थानी आहेत.

जिओची ब्रँड व्हॅल्यूत वाढ –
रिलायन्स इंडस्ट्रीजच्या जिओने 2016 मध्ये देशात दूरसंचार सेवा सुरू केली. तेव्हापासून कंपनीने यशाची नवीन शिखरे गाठली आहेत. गेल्या काही वर्षांत दूरसंचार क्षेत्रातील हा सर्वात मोठा ब्रँड बनला आहे. अहवालानुसार, जिओच्या ब्रँड व्हॅल्यूमध्ये 14 टक्क्यांनी वाढ झाली असून ती 6.1 अब्ज डॉलर्स झाली आहे. त्याचा ब्रँड इंडेक्स स्कोअरही 89 पर्यंत वाढला आहे. याला AAA ब्रँड रेटिंग देण्यात आले आहे.