SBI ATM Rules :  स्टेट बॅंक ऑफ इंडियामध्ये पगार पॅकेज खाते (Salary Package Account) असलेल्या ग्राहकांसाठी महत्त्वाची बातमी आहे. 1 ऑक्टोबर 2026 पासून दुसऱ्या बँकेच्या ATM आणि ADWM वर मोफत व्यवहारांची मर्यादा बदलणार आहे. आतापर्यंत दरमहा 10 मोफत व्यवहारांची सुविधा होती. आता ही मर्यादा 5 व्यवहारांवर आणण्यात येणार आहे. (SBI ATM Rules)

या 5 व्यवहारांमध्ये रोख रक्कम काढणे तसेच नॉन-फायनान्शियल व्यवहारांचाही समावेश असेल. म्हणजेच बॅलन्स तपासणे किंवा मिनी स्टेटमेंट घेणे यासारखे व्यवहारही या मर्यादेत मोजले जातील.

5 व्यवहारांनंतर किती शुल्क?  (SBI ATM Rules)

दुसऱ्या बँकेच्या ATM वर महिन्याचे 5 मोफत व्यवहार पूर्ण झाल्यानंतर रोख रक्कम काढल्यास 23 रुपये + GST शुल्क आकारले जाईल. तर नॉन-फायनान्शियल व्यवहारांसाठी 11 रुपये + GST शुल्क द्यावे लागेल.

SBI ATM वर मात्र दिलासा –  (SBI ATM Rules)

SBI च्या स्वतःच्या ATM वर Salary Package Account धारकांना सुविधा कायम राहणार आहे. उपलब्ध माहितीनुसार, Salary Package Accounts साठी SBI ATM वर सर्व ठिकाणी अनलिमिटेड फ्री ट्रान्झॅक्शनची सुविधा उपलब्ध आहे. यात शौर्य कौटुंबिक निवृत्तीवेतन खाते (Shaurya Family Pension Account) आणि कौटुंबिक बचत खाते (Family Savings Account–SBI RISHTEY) यांचाही समावेश आहे.