Alia Bhatt । Jigra OTT Release : ‘रॉकी और रानी की प्रेम कहानी’च्या जबरदस्त यशानंतर अभिनेत्री आलिया भट्ट ‘जिगरा’मधून मोठ्या पडद्यावर परतली. हा चित्रपट 2024 मधील सर्वात अपेक्षित चित्रपट होता आणि रिलीज होण्यापूर्वी खूप चर्चा झाली होती. वासन बाला दिग्दर्शित चित्रपट बॉक्स ऑफिसवर फ्लॉप ठरला आणि त्याची कामगिरी खूपच निराशाजनक होती. आता हा चित्रपट ओटीटीवर प्रदर्शित होत आहे. आलियाचा ‘जिगरा’ केव्हा आणि कोणत्या प्लॅटफॉर्मवर दिसणार आहे ते जाणून घेऊया.

हा सिनेमा 11 ऑक्टोबरला चित्रपटगृहात प्रदर्शित झाला होता. धर्मा प्रॉडक्शन आणि इटर्नल सनशाईन प्रॉडक्शनच्या बॅनरखाली या चित्रपटाची निर्मिती करण्यात आली आहे. चित्रपटाचा ट्रेलर पाहिल्यानंतर तो बॉक्स ऑफिसवर चांगली कामगिरी करेल असे वाटत होते, मात्र भरपूर प्रमोशन करूनही हा चित्रपट बॉक्स ऑफिसवर अपयशी ठरला. या सगळ्यात हा चित्रपट आता ओटीटी प्लॅटफॉर्मवर दाखल झाला आहे.

‘जिगरा’ अखेर ऑनलाइन स्ट्रिम होत आहे. या चित्रपटाने 6 डिसेंबर रोजी नेटफ्लिक्सवर डिजिटल पदार्पण केले आहे. ज्या लोकांनी या OTT प्लॅटफॉर्मचे सदस्यत्व घेतले आहे ते जिग्रा पाहू शकतात. नेटफ्लिक्सने आपल्या अधिकृत इंस्टाग्राम अकाऊंटवर लिहिले आहे की, “वडिलांना, आजोबा, भाऊ, सर्वांना कॉल करा.. हा वीकेंड फॅमिली वीकेंड असणार आहे. असं लिहलं आहे.

 

View this post on Instagram

 

A post shared by Netflix India (@netflix_in)

काय आहे जिगराची कहाणी?
आलिया भट्ट आणि आर्चीज स्टार वेदांग रैना यांनी या चित्रपटात भाऊ आणि बहिणीची भूमिका साकारली आहे. भट्ट यांनी सत्याची भूमिका साकारली आहे जो तिचा भाऊ अंकुर (वेदांग रैना) याला परदेशी तुरुंगात फाशीच्या शिक्षेपासून वाचवण्यासाठी धोकादायक प्रवासाला निघतो. सत्याच्या कथेतून कोणीही कुटुंबासाठी कोणत्याही थराला जाऊ शकतो यावर प्रकाश टाकतो.

‘जिगरा’ही अनेक वादात अडकला
टी-सीरीजचे मालक भूषण कुमार यांची पत्नी आणि अभिनेत्री दिव्या कुमार खोसला यांनी चित्रपटाची कथा चोरल्याचा आरोप केला होता. वास्तविक, दिव्याच्या ‘सावी’ या चित्रपटाची कथाही ‘जिगरा’ सारखीच असल्यामुळे चित्रपटाच्या कलेक्शनवर वाईट परिणाम झाला.