Jennifer Lopez : उदयपूरमध्ये नुकतंच झालेल्या एका अब्जाधीशाच्या मुलीचं रॉयल लग्न प्रचंड चर्चेत आहे. अमेरिकेत राहणाऱ्या या कुटुंबाने भव्य सोहळा आयोजित केला होता, ज्यामध्ये भारत आणि विदेशातील अनेक नामांकित कलाकारांनी हजेरी लावली. बॉलिवूडमधील मोठी नावं जशी स्टेजवर परफॉर्म करताना दिसली, तशीच हॉलीवूडची पॉप सुपरस्टार जेनिफर लोपेझ हिनेसुद्धा धमाकेदार परफॉर्मन्स दिला. मात्र, तिच्या या परफॉर्मन्सवरून सोशल मीडियावर मोठा वाद निर्माण झाला आहे.

स्टेजवर जेनिफरचा धमाल परफॉर्मन्स

जेनिफर लोपेझने उदयपूरच्या या लग्नात आपल्या काही हिट गाण्यांवर परफॉर्म केलं. ती गात आणि नाचत असताना, लग्नात उपस्थित पाहुण्यांनी तिचा परफॉर्मन्स खूप एन्जॉय केला. तिच्या एनर्जीमुळे वातावरण आणखीन रंगून गेलं. पण या सगळ्याच्या उलट, इंटरनेटवर मात्र काही वेगळंच सुरू होतं.

बोल्ड आउटफिटवर झाल्या टीका

जेनिफरने परफॉर्मन्सदरम्यान खूप बोल्ड आणि ग्लॅमरस आउटफिट घातले होते. हे आउटफिट वेस्टर्न शैलीतील असल्याने सोशल मीडियावरील अनेक भारतीय यूजर्सना ते लग्नासारख्या पारंपरिक कार्यक्रमाला योग्य वाटले नाही.

 

View this post on Instagram

 

A post shared by Viral Bhayani (@viralbhayani)

काही कमेंट्समध्ये यूजर्सनी थेट नाराजी व्यक्त केली,

“आम्ही तिचे फॅन आहोत, पण भारतात परफॉर्म करताना तिने डिसेंट आउटफिट घालायला हवा होता.” “शर्मनाक.” “हा पोशाख लग्नासाठी योग्य नाही.” अशा प्रकारच्या कमेंट्स मोठ्या प्रमाणात दिसून आल्या. अनेकांनी सांस्कृतिक संवेदनशीलतेचा मुद्दा पुढे करत जेनिफरवर टीका केली, तर काहींनी तिच्या कपड्यांना “अनुचित” म्हटलं.

ही रॉयल वेडिंग फक्त जेनिफर लोपेझमुळेच चर्चेत नव्हती. या कार्यक्रमात बॉलिवूडमधील अनेक मोठ्या स्टार्सनी परफॉर्मन्स दिले. जसे की, रणवीर सिंह, कृति सेनन, नोरा फतेही आणि माधुरी दीक्षित. त्यांचे डान्स आणि हजेरीही सोशल मीडियावर चर्चेत होते. विशेषतः माधुरी दीक्षित आणि रणवीर सिंह यांच्या परफॉर्मन्सची प्रशंसा झाली.

ऑनलाइन ट्रोलिंग सुरू

जेनिफरचा परफॉर्मन्स लग्नात उपस्थित लोकांना आवडला असला तरी, सोशल मीडियावर मात्र परिस्थिती पूर्णपणे उलट होती. तिच्या परफॉर्मन्सपेक्षा तिच्या पोशाखांवरच जास्त चर्चा झाली आणि त्यामुळे ती ट्रोल्सच्या निशाण्यावर आली.