पॅरिस – बेन ऍफ्लेक आणि जेनिफर लोपेझ लग्नानंतर रोमान्स करण्याची एकही संधी सोडत नाहीत. या जोडप्याने गेल्या आठवड्यात लास वेगासमध्ये लग्न करून सर्वांना आश्चर्यचकित केले. आता दोघेही त्यांचा हनीमून पॅरिसमध्ये एन्जॉय करत आहेत. जेनिफर आणि बेनचे एकामागून एक फोटो समोर येत आहेत. यामध्ये दोघेही एकमेकांना किस करताना दिसत आहेत.

बेन आणि जेनिफर पार्कमध्ये KISS करताना दिसले
52 वर्षीय जेनिफर लोपेझ आणि 49 वर्षीय बेन ऍफ्लेक हे सध्या पॅरिसमध्ये आहेत. पॅरिसमधील दोघांच्या व्हायरल फोटोंमध्ये ते पीडीए करताना दिसत आहेत. रेस्टॉरंटमधील रात्रीचे जेवण असो किंवा पार्कमधील किशोरवयीन मुलांसारखे रोमान्स असो, दोघेही कोणत्याही प्रसंगी एकमेकांपासून दूर राहू शकत नाहीत. याआधी दोघांचा रेस्टॉरंटमध्ये किस करतानाचा फोटो समोर आला होता आणि आता ते पार्कमध्ये रोमँटिक करताना दिसले.

शुक्रवारी सकाळी जेनिफर आणि बेन पॅरिसच्या एका पार्कमध्ये एकत्र दिसले. एका लोकप्रिय वेबसाइटने दिलेल्या माहितीनुसार,’या जोडप्याने या पार्कमध्ये सुमारे दोन तास घालवले. यादरम्यान दोघेही पार्कच्या बेंचवर बसून मिठी मारताना आणि चुंबन घेताना दिसले. ते  एकमेकांच्या प्रेमात हरवले होते..’

मुलांसोबत वेळ घालवणे
जेनिफर आणि बेनसोबत त्यांची मुलेही या सहलीला गेली आहेत. अशात हे जोडपे एकत्र रोमँटिक वेळ घालवण्यासोबतच मुलांसोबत क्वालिटी टाइमही घालवत आहेत. बेनची 16 वर्षांची मुलगी व्हायोलेट याआधी या दोघांसोबत रेस्टॉरंटमध्ये दिसली होती. व्हायोलेट ही बेन ऍफ्लेक आणि हॉलिवूड अभिनेत्री जेनिफर गार्नर यांची मुलगी आहे. त्याचवेळी उद्यानात वेळ घालवल्यानंतरही दोघेही मुलांसोबत फिरायला गेले.

बेन ऍफ्लेक आणि जेनिफर लोपेझ यांनी एप्रिल महिन्यात त्यांच्या नात्याबाबत घोषणा केली. नंतर दोघांनी लग्न केले.  गुरुवारी हे जोडपे त्यांच्या खासगी विमानाने पॅरिसला पोहोचले. तेव्हापासून चाहते सोशल मीडियावर दोघांचा रोमान्स पाहत आहेत.