Jawali Theft Case – गवडी (ता. जावळी) येथे दोन लाखाची चोरी केल्याप्रकरणी गवडी येथील दोन संशयितांवर काल गुन्हा दाखल झाल्याची माहिती मेढा पोलिसांनी दिली. याबाबत पोलिसांनी सांगीतले की गवडी येथील सुरेश जावजी गंगावणे (वय 58, मूळ रा. गवडी, सध्या रा. भारतनगर वाशी नाका चेंबुर, मुंबई) यांच्या घरातील बेडरुमच्या दरवाजाचे कुलुप तोडून उशाला ठेवलेल्या पँन्टच्या खिशामध्ये असलेली बेडरुमची चावी चोरुन बेडरुमचे कुलुप उघडून घरातील पत्र्याची पेटी चंद्रकांत धनवडे याचे शेतात नेऊन पेटीमध्ये ठेवलेले सोन्याचे दागिने व रोख रक्कम असा दोन लाख ११ हजार ९०० रुपये किंमतीचा ऐवज चोरुन नेला,

अशी फिर्याद सुरेश गंगावणे यांनी अज्ञाताविरोधात दिली आहे. चोरीस गेलेल्या ऐवजामध्ये 80 हजार रुपये किंमतीची सोन्याची चेन, दोन तोळे वजनाची कड्यामधील कडी असून त्यास अडकवण्याचा एस आकाराचा हुक मध्यभागी चेनमध्ये अशोकचक्र लटकलेले आहे. एक लाख रुपये किंमतीचे सोन्याचे ब्रेसलेट, 20 हजार रुपये किंमतीची अर्धा तोळा वजनाची सोन्याची अंगठी, 11 हजार 900 रुपये रक्कम .ंचा समावेश आहे.

एकूण दोन लाख ११ हजार ९०० रुपये किंमतीचा ऐवज चोरीला गेला आहे .याप्रकरणी संशयित संतोष विश्वास गंगावणे (वय 36, रा. गवडी), शशिकांत संपत कांबळे (वय 39, रा. गवडी) यांच्यावर गुन्हा दाखल केला आहे. सहायक पोलिस निरीक्षक सुधीर पाटील यांच्या मार्गदशनाखाली हवालदार गंगावणे तपास करत आहेत .