Auqib Nabi Replacement : जसप्रीत बुमराह श्रीलंका कसोटी मालिकेतून बाहेर! जम्मू-काश्मीरच्या ‘या’ घातक गोलंदाजाला पहिल्यांदाच मिळाली भारतीय संघात संधी
Auqib Nabi Replacement : भारताचा मुख्य वेगवान गोलंदाज जसप्रीत बुमराह दुखापतीमुळे या कसोटी मालिकेतून अधिकृतपणे बाहेर झाला आहे.
Auqib Nabi replaces Jasprit Bumrah in India’s Test squad for upcoming Test series : भारत आणि श्रीलंका यांच्यात रंगणाऱ्या आगामी २ सामन्यांच्या कसोटी मालिकेपूर्वी टीम इंडियाला सर्वात मोठा धक्का बसला आहे. भारताचा मुख्य वेगवान गोलंदाज जसप्रीत बुमराह (Jasprit Bumrah) दुखापतीमुळे या कसोटी मालिकेतून अधकृतपणे बाहेर झाला आहे. बीसीसीआयने सोशल मीडिया प्लॅटफॉर्म ‘एक्स’ (पूर्वीचे ट्विटर) वर पोस्ट करत या वृत्ताला दुजोरा दिला आहे. बुमराहच्या डाव्या गुडघ्याची दुखापत वेळेत बरी न झाल्याने संघ व्यवस्थापनाने त्याला विश्रांती देण्याचा निर्णय घेतला आहे. त्याला ही दुखापत इंग्लंडविरुद्धच्या वनडे मालिकेदरम्यान झाली होती.
६० विकेट्स घेणाऱ्या आकिब नबीची लागली लॉटरी! (Auqib Nabi Replacement)
जसप्रीत बुमराहच्या जागी देशांतर्गत क्रिकेटमध्ये (Domestic Cricket) आपल्या गोलंदाजीने दहशत निर्माण करणाऱ्या जम्मू-काश्मीरच्या आकिब नबी (Aquib Nabi) याला पहिल्यांदाच भारतीय कसोटी संघात स्थान मिळाले आहे. आकिब नबीने रणजी ट्रॉफीमध्ये खोऱ्याने विकेट्स घेत आपल्या संघाला विजेतेपद मिळवून देण्यात सिंहाचा वाटा उचलला होता. त्याने मागील रणजी हंगामात तब्बल ६० विकेट्स घेतल्या होत्या, तर गेल्या दोन मोसमात मिळून त्याच्या नावावर १०४ विकेट्सची नोंद आहे. नुकत्याच झालेल्या ‘इंडिया ए’ च्या श्रीलंका दौऱ्यातही त्याने ६ विकेट्स घेत निवडकर्त्यांचे लक्ष वेधले होते. (Auqib Nabi Replacement)
🚨 JUST IN 🚨
Jasprit Bumrah has been ruled out of the Sri Lanka Tests. He failed to recover from the knee injury sustained during the England ODIs.#SLvsIND pic.twitter.com/q1cNLurTS2
— Cricbuzz (@cricbuzz) August 2, 2026
आकिबचा थक्क करणारा फर्स्ट क्लास रेकॉर्ड! (Auqib Nabi Replacement)
𝗡𝗘𝗪𝗦:
Auqib Nabi replaces Jasprit Bumrah in India’s Test squad.
Details 🔽 #TeamIndia | #SLvIND https://t.co/lAf25FbpDN
— BCCI (@BCCI) August 3, 2026
२८ वर्षीय आकिब नबीचा फर्स्ट क्लास (प्रथम श्रेणी) क्रिकेटमधील रेकॉर्ड अत्यंत उत्कृष्ट आहे. त्याने ४३ सामन्यांत १८ च्या नेत्रदीपक सरासरीने १६२ विकेट्स घेतल्या आहेत. यादरम्यान त्याने तब्बल १६ वेळा एकाच डावात ५ किंवा त्यापेक्षा जास्त बळी घेण्याचा कारनामा केला आहे. (Auqib Nabi Replacement)
कधी आणि कुठे होणार सामने? (Auqib Nabi Replacement)
भारत आणि श्रीलंका यांच्यातील कसोटी मालिकेचा पहिला सामना १५ ऑगस्टपासून गॉल इंटरनॅशनल क्रिकेट स्टेडियमवर खेळवला जाईल, तर दुसरा सामना २३ ऑगस्टपासून कोलंबोमध्ये होईल. या मालिकेचे थेट प्रक्षेपण चाहत्यांना ‘सोनी स्पोर्ट्स नेटवर्क’वर पाहता येईल.
कसोटी मालिकेसाठी भारतीय संघ: शुबमन गिल (कर्णधार), केएल राहुल (उपकर्णधार), यशस्वी जैस्वाल, ऋषभ पंत (यष्टीरक्षक), साई सुदर्शन, ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, जसप्रीत बुमराह, मोहम्मद सिराज, प्रसिध कृष्णा, गुरनूर ब्रार, देवदत्त पडिक्कल, सारांश जैन.
