Tilak Varma South Zone Captain Duleep Trophy 2026 Squad Karun Nair : भारतीय टी-२० संघाचा उपकर्णधार तिलक वर्मा (Tilak Varma) याला देशांतर्गत क्रिकेटमधील प्रतिष्ठित ‘दुलीप ट्रॉफी २०२६’ (Duleep Trophy 2026) स्पर्धेसाठी मोठी आणि नवी जबाबदारी मिळाली आहे. आगामी हंगामात तो साउथ झोनच्या (South Zone) नेतृत्वाची धुरा सांभाळताना दिसणार आहे. निवडकर्त्यांनी १५ सदस्यीय संघाची घोषणा केली असून, आंध्रचा अनुभवी फलंदाज रिकी भुई (Ricky Bhui) याच्याकडे उपकर्णधारपद सोपवले आहे.

करुण नायर आणि शेख रशीदला संघात संधी!

साउथ झोनच्या ताफ्यात अनुभवी आणि युवा खेळाडूंचा सुरेख मेळ पाहायला मिळत आहे. भारताकडून कसोटीत त्रिशतक ठोकणाऱ्या अनुभवी करुण नायरला संघात स्थान मिळाले आहे. तसेच श्रीलंका दौऱ्यावर ‘इंडिया ए’ कडून चमकदार कामगिरी करणाऱ्या शेख रशीद आणि यष्टीरक्षक-फलंदाज एन. जगदीशन यांचाही समावेश आहे. याशिवाय कर्नाटकचा युवा फलंदाज आर. स्मरण, हैदराबादचा के. हिमतेजा आणि गोव्याचा अभिनव तेजराना संघात फलंदाजीचा भार सांभाळतील.

फिरकी आणि वेगवान गोलंदाजीचा भक्कम भरणा –

🚨South Zone Squad Announced🚨

Tilak Varma will captain the side, while Ricky Bhui has been appointed vice-captain for the 2026-27 Duleep Trophy🏏 pic.twitter.com/S6mNq4g1d6

— CricInformer (@CricInformer) August 2, 2026

संघाच्या फिरकीची धुरा श्रेयस गोपाल आणि तनय त्यागराजन सांभाळतील. तर वेगवान गोलंदाजी आक्रमणात विद्वत कावेरप्पा, एम. डी. निदीश, के. साई तेजा आणि टी. विजय यांना संधी देण्यात आली आहे.

३० ऑगस्टला खेळणार सेमीफायनल –

🚨 THE CAPTAINS FOR DULEEP TROPHY 2026 🚨

1. Tilak Varma – South Zone.
2. Ishan Kishan – East Zone.
3. Rajat Patidar – Central Zone.
4. Ruturaj Gaikwad – West Zone.

The Captains & Vice Captains alongwith squads of North Zone and North East Zone will be announced shortly. 🇮🇳 pic.twitter.com/w3yCoBvXNm

— Maina Singh (@Maina_Singhx77) August 2, 2026

गेल्या हंगामात उपविजेता ठरल्यामुळे साउथ झोनला थेट उपांत्य फेरीत प्रवेश मिळाला आहे. ही स्पर्धा २३ ऑगस्ट ते १० सप्टेंबर दरम्यान बंगळुरू येथील ‘बीसीसीआय सेंटर ऑफ एक्सेलंन्स’ (BCCI CoE) येथे खेळवली जाईल. साउथ झोन आपला सेमीफायनलचा सामना ३० ऑगस्ट रोजी खेळेल.

हेही वाचा – Bhuvi Comeback Statement : “माझं काय चुकलं? निवड का झाली नाही?” भारतीय संघातून डावलल्यानंतर भुवनेश्वर कुमारने सोडले मौन; पाहा VIDEO

साउथ झोनचा संपूर्ण संघ: तिलक वर्मा (कर्णधार), रिकी भुई (उपकप्तान), अभिनव तेजराना, शेख रशीद, के. एम. हिमतेजा, आर. स्मरण, एन. जगदीशन (विकेटकीपर), करुण नायर, तनय त्यागराजन, श्रेयस गोपाल, के. साई तेजा, टी. विजय, विद्वत कावेरप्पा, एच. अमन खान, एम. डी. निदीश.