Entertainment । अभिनेत्री जान्हवी कपूर गेल्या काही दिवसांपासून तिच्या वैयक्तिक आयुष्यामुळे चर्चेत आहे. जान्हवी शिखर पहारियाला डेट करत आहे. जिथे आधी ती तिचं पर्सनल लाईफ लपवून ठेवायची तिथे आता शिखरसोबत सार्वजनिक कार्यक्रमांमध्ये ती उघडपणे दिसत आहे. नुकतेच एका कार्यक्रमादरम्यान जान्हवीला लग्नाविषयी विचारण्यात आले. त्यामुळे पुन्हा एकदा तिच्या लग्नाच्या चर्चेतला उधाण आले आहे जान्हवीने नुकतेच इंस्टाग्राम स्टोरीवर लिहिले, ‘माझ्याकडे एक गुपित आहे, मी ते तुमच्या सर्वांसोबत शेअर करण्यास उत्सुक आहे. यानंतर ती तिच्या आगामी ‘उलज’ या चित्रपटाचा ट्रेलर रिलीज करत असल्याचे समोर आले आहे. त्यामुळे सोमवारी संध्याकाळी जेव्हा ती ट्रेलर लॉन्च इव्हेंटमध्ये पोहोचली तेव्हा एका रिपोर्टरने जान्हवीला विचारले, लग्नाची काही बातमी आहे का? यावर जान्हवी लगेच म्हणते की तू वेडा झाला आहेस. यानंतर त्याला विचारण्यात आले की काय रहस्य आहे. यावर ती म्हणते की उद्या कळेल.’ सोशलवर जान्हवी आणि शिखरचे अनेक व्हिडिओ व्हायरल होतात. याआधीही एका पापाराझी अकाऊंटने जान्हवीबद्दल पोस्ट केले होते की ती तिरुपती मंदिरात शिखर पहारियासोबत लग्न करणार आहे. त्यानंतर जान्हवीने या बातमीवर काहीही प्रतिक्रिया दिली नाही. लग्नाच्या चर्चांवर तिने अधिकृतरित्या काहीही सांगितलेले नाही. जान्हवीच्या चित्रपटांबद्दल बोलायचे झाले तर, ती आता उलझ आणि देवरामध्ये दिसणार आहे. उलझ हा एक स्पाय थ्रिलर चित्रपट आहे. देवरा हा एक तेलुगू चित्रपट आहे ज्यामध्ये जान्हवीसोबत सैफ अली खान आणि जूनियर एनटीआर मुख्य भूमिकेत आहेत.
