नांदेड – नांदेड येथील कृष्णा मधुकर लोलगे व साक्षी कृष्णा लोलगे हे दाम्पत्य एका एजन्सीकडून काश्मीरला पर्यटनासाठी गेले होते. हे दाम्पत्य पहलगाम येथे होते, त्याच दिवशी मंगळवारी दहशतवादी हल्ला झाला. याच हल्ल्यातून सुखरूप परतलेल्या लोलगे दाम्पत्याने आपला थरारक अनुभव कथन केला. कृष्णा व साक्षी लोलगे म्हणाले, केवळ १५ मिनीटे अगोदर तेथून आम्ही निघालो आणि नंतर हा हल्ला झाला. तेव्हा आमच्या सोबत असलेले घोडस्वार, चालक यांनी तातडीने आम्हाला हॉटेलवर नेले. तेथे स्थानिकासह इतरांनी धीर दिला आणि मदत केली. शासनाच्या प्रतिनिधींनीकडून आपण सुरक्षित आहेत का याबाबत वारंवार विचारणा झाली. या सर्वाच्या मदतीमुळे आम्ही पहलगाम येथून सुखरूप बाहेर पडलो आणि आमचा जीव वाचला, अशी भावना एका व्हीडीओच्या माध्यमातून लोलगे दाम्पत्यांनी व्यक्त केली.
