Jagdeep Dhankhar: माजी उपराष्ट्रपती जगदीप धनखड यांनी राजस्थान विधानसभेचे माजी सदस्य म्हणून पेन्शनसाठी अर्ज केला आहे. विधानसभा सचिवालयाने त्यांचा अर्ज मंजूर करण्याची प्रक्रिया सुरू केली आहे. धनखर १९९३ ते १९९८ दरम्यान अजमेर जिल्ह्यातील किशनगढ मतदारसंघातून आमदार होते.

मीडिया रिपोर्ट्सनुसार, नियमांनुसार जगदीप धनखड यांना ४२००० रुपये मासिक पेन्शन मिळेल. राजस्थानमध्ये नेत्यांसाठी दुहेरी तिहेरी पेन्शनची तरतूद आहे. म्हणजेच, जर एखादी व्यक्ती खासदार आणि आमदार दोन्ही राहिली असेल तर त्याला दोन्ही पेन्शन मिळू शकते. यामुळेच माजी नेत्यांना वेगवेगळ्या पदांसाठी एकाच वेळी पेन्शन मिळते. विधानसभेचे अध्यक्ष वासुदेव देवनानी यांनी धनखड यांचा पेन्शन अर्ज विधानसभेला मिळाला आहे आणि प्रक्रिया सुरू झाली आहे याची पुष्टी केली.

माजी उपराष्ट्रपतींना या सुविधाही मिळतील –

माजी उपराष्ट्रपती जगदीप धनखड यांना पेन्शनसह अनेक सुविधा मिळतील. त्यांना दिल्लीच्या लुटियन्स झोनमध्ये एक मोठा सरकारी बंगला (टाइप VIII) मिळेल. या बंगल्याचे वीज आणि पाण्याचे बिल सरकार भरेल. त्यांना फर्निचर, आवश्यक उपकरणे आणि दोन मोबाईल फोन देखील मिळतील. एक सरकारी गाडी आणि ड्रायव्हर देखील दिला जाईल. विशिष्ट संख्येत कर्मचारी उपलब्ध करून दिले जातात.