Jitendra Awhad : MCA अर्थात मुंबई क्रिकेट असोशिएशनची निवडणूक मोठी चुरशीची झाली. या निवडणुकीत अध्यक्षपदी अजिंक्य नाईक यांची बिनविरोध निवड झाली होती. यामुळे इतर कार्यकरणीसाठी निवडणूक पार पडली. त्यानुसार आता नवी कार्यकरिणी निवडून आली आहे. MCA उपाध्यक्ष पदावर जितेंद्र आव्हाड यांची निवड झाली आहे. या निवडणुकीत जितेंद्र आव्हाड यांना २०३ मते मिळाली, तरी त्यांचे प्रतिस्पर्धी नवीन शेट्टी यांना 155 मते मिळाली. आव्हाड यांचा ४८ मतांनी विजय झाला आहे. खरंतर या निवडणुकीत मुख्यमंत्री देवेंद्र फडणवीस आणि खासदार शरद पवार यांच्यामुळे अध्यक्ष पदाची संधी मिळाली असल्याचे अजिंक्य नाईक यांनी सांगितले होते. यानंतर आता उपाध्यक्ष म्हणून विजयी झालेल्या जितेंद्र आव्हाड यांनी पहिली प्रतिक्रिया दिली आहे. MCA चे उपाध्यक्ष जितेंद्र आव्हाड यांची प्रतिक्रिया येणाऱ्या काळात MCA च्या माध्यमातून क्रिकेटसाठी सर्वोत्तम कामगिरी करण्याचा मी पूर्ण प्रयत्न करेल हा शब्द यावेळी देतो. पुन्हा एकदा सर्वांचे मनापासून आभार..! अशी प्रतिक्रिया MCA चे उपाध्यक्ष जितेंद्र आव्हाड यांनी दिली आहे. त्यांनी एक्सवरून पोस्ट शेअर केली आहे. या पोस्टमध्ये MCA निवडणुकीत पवार-शेलार पॅनल तर्फे मी उपाध्यक्ष पदाच्या निवडणुकीत उभा होतो. MCA निवडणुकीत पवार-शेलार पॅनल तर्फे मी उपाध्यक्ष पदाच्या निवडणुकीत उभा होतो.या निवडणुकीत मला मतदान करून विजयी करणाऱ्या सर्व मतदारांचे मी आभार मानतो.तसेच या निवडणुकीत माझ्या सोबत उभे राहणाऱ्या सर्व सहकाऱ्यांचे देखील मी आभार मानतो. येणाऱ्या काळात MCA च्या माध्यमातून क्रिकेट साठी… pic.twitter.com/LjjliK4kBS — Dr.Jitendra Awhad (@Awhadspeaks) November 12, 2025 या निवडणुकीत मला मतदान करून विजयी करणाऱ्या सर्व मतदारांचे मी आभार मानतो. तसेच या निवडणुकीत माझ्या सोबत उभे राहणाऱ्या सर्व सहकाऱ्यांचे देखील मी आभार मानतो. येणाऱ्या काळात MCA च्या माध्यमातून क्रिकेट साठी सर्वोत्तम कामगिरी करण्याचा मी पूर्ण प्रयत्न करेल हा शब्द यावेळी देतो. पुन्हा एकदा सर्वांचे मनापासून आभार..! असे उपाध्यक्ष जितेंद्र आव्हाड यांनी पोस्टमध्ये म्हटले आहे. मुंबई क्रिकेट असोसिएशनच्या निवडणुकीत एकूण 362 जणांनी मतदानाचा हक्क बजावला होता. सचिव पदावर उन्मेष खानविलकर यांचा विजय झाला आहे. मुंबई क्रिकेट असोसिएशनचा निकाल उपाध्यक्ष – जितेंद्र आव्हाड 203 विजयी वि. नवीन शेट्टी 155 सचिव – उन्मेष खानविलकर 227 विजयी वि. शाह आलम शेख 129 संयुक्त सचिव – निलेश भोसले 228 विजयी वि. गौरव पय्याडे 128 खजिनदार – अरमान मलिक 237 विजयी वि. सुरेंद्र शेवाळे 119 मुंबई टी20 गव्हर्निंग कौन्सिल मेंबर भरत किणी 184 विजयी वि. किशोर जैन अजिंक्य नाईक यांची अध्यक्षपदासाठी बिनविरोध निवड झाल्याने इतर कार्यकरणी निवडीसाठी मतदान झाले. कार्यकरणीसाठी शरद पवार आणि आशिष शेलार यांच्या बैठक झाली होती. या बैठकीत त्यांच्या नावांवर शिक्कामोर्तेब झाला. निवडून आलेल्या नव्या कारकारिणीमध्ये अजिंक्य नाईक यांच्या नेतृत्वात लढलेले १२ जण निवडून आले आहेत. तर आशिष शेलार यांच्याशी संबंधित चार जणांनी विजयी मिळवला आहे. एमसीएचे अध्यक्ष अजिंक्य नाईक यांची प्रतिक्रिया ही आमच्या मैदान क्लब्स, सचिव आणि प्रत्येक महिला व पुरुष क्रिकेटपटूंच्या एकत्रित परिश्रमांची विजयगाथा आहे. हा विजय संपूर्ण मुंबई क्रिकेट परिवाराचा असून आपल्या शहराच्या क्रिकेट परंपरेचा अभिमान आहे, अशी प्रतिक्रिया एमसीएचे अध्यक्ष अजिंक्य नाईक यांनी निकालानंतर दिली आहे. हेही वाचा : दिल्ली स्फोटातील मोठा खुलासा ! ‘हा’ काश्मिरी डॉक्टरच हल्ल्याचा मास्टरमाइंड ; DNA रिपोर्टमधून उघड
