ITR Filing: आयकर रिटर्न भरण्याची शेवटची तारीख निघून गेली आहे. आयकर विभागाने रिटर्न भरण्याची शेवटची तारीख वाढवली नाही. 31 जुलै रोजी सायंकाळी 7 वाजेपर्यंत 7 कोटींहून अधिक रिटर्न भरल्याचे आयकर विभागाने म्हटले आहे. शेवटच्या दिवशी म्हणजे 31 जुलै रोजी 50 लाखांहून अधिक रिटर्न भरले गेले. ज्या करदात्यांनी रिटर्न भरले नाहीत त्यांना आयकर विभागाने रिटर्न भरण्याचे आवाहन केले आहे. कर भरण्यास मदत करण्यासाठी 24/7 हेल्पडेस्क उपलब्ध असल्याचे विभागाने म्हटले आहे.

सायंकाळी 7 वाजेपर्यंत रिटर्न भरणाऱ्यांची संख्या 7 कोटींहून अधिक –

आयकर विभागाने सोशल मीडिया प्लॅटफॉर्म X वर एक पोस्ट केली आहे. 31 जुलै रोजी सायंकाळी 7 वाजेपर्यंत 7 कोटींहून अधिक रिटर्न भरल्याचे सांगण्यात आले आहे. एकट्या 31 जुलै रोजी संध्याकाळी 7 वाजेपर्यंत 50 लाखांहून अधिक रिटर्न भरले गेले. विभागाने पोस्टमध्ये म्हटले आहे की रिटर्न फाइलिंग आणि संबंधित सेवांमध्ये मदत करण्यासाठी आमचा हेल्पडेस्क 24/7 उपलब्ध आहे. ज्या करदात्यांनी विवरणपत्र भरले नाही त्यांना आम्ही त्यांचे विवरणपत्र भरण्याचे आवाहन करतो.

इन्कम टॅक्स रिटर्न भरण्याची शेवटची तारीख वाढवली नाही –

आर्थिक वर्ष 2023-24 साठी आयकर रिटर्न भरण्याची अंतिम तारीख वाढवण्यात आलेली नाही. त्याची अंतिम तारीख 31 जुलै होती. शेवटची तारीख न वाढवण्याचे संकेत प्राप्तिकर विभागाने आधीच दिले होते.

गेल्या वर्षीच्या तुलनेत यंदा अधिक रिटर्न भरले –

गेल्या वर्षीच्या तुलनेत यंदा अधिक रिटर्न भरले आहेत. गेल्या वर्षी 31 जुलैच्या संध्याकाळपर्यंत 6.77 कोटीहून अधिक रिटर्न भरले होते. यावेळी ही संख्या 7 कोटींहून अधिक आहे. गेल्या वर्षी शेवटच्या दिवशी म्हणजे 31 जुलै रोजी 64.33 लाख रिटर्न भरले होते. यावेळी नवीन आयकर प्रणालीमध्ये अधिक रिटर्न भरले गेले आहेत. महसूल सचिव संजय मल्होत्रा ​​यांनी 30 जुलै रोजी सांगितले होते की, त्या तारखेपर्यंत (30 जुलै) 6 कोटींहून अधिक रिटर्न भरले गेले होते, ज्यापैकी 70 टक्के रिटर्न्स नवीन नियमांतर्गत दाखल करण्यात आले होते.

आता दंडासह रिटर्न भरा –

आर्थिक वर्ष 2023-24 साठी प्राप्तिकर रिटर्न (ITR) भरण्याची शेवटची तारीख 31 जुलै निघून गेली आहे. आयकर विभागाने (आयटी विभाग) मुदत वाढवली नसल्याने, आयटीआरची अंतिम मुदत चुकवणाऱ्या आयकरदात्यांना 31 डिसेंबर 2024 पर्यंत उशीरा रिटर्न भरताना दंड म्हणून अतिरिक्त रक्कम भरावी लागणार आहे.