जसप्रीत बुमराह अविश्वसनीय गोलंदाज -सचिन तेंडुलकर

सचिन तेंडुलकरने जसप्रीत बुमराहला करिश्माई आणि अविश्वसनीय वेगवान गोलंदाज संबोधत त्याच्या कामगिरीचे कौतुक केले. बुमराहने या मालिकेत केवळ तीन सामने खेळले आणि १४ विकेट्स घेतल्या. बर्मिंगहॅम आणि द ओव्हल येथील भारताच्या विजयाबाबत सचिन म्हणाला, “बुमराहच्या अनुपस्थितीत मिळालेले हे विजय केवळ योगायोग आहेत.” बुमराहला वर्कलोड व्यवस्थापनामुळे दोन सामन्यांमध्ये विश्रांती देण्यात आली होती आणि भारताने तेच सामने जिंकले.

हेही वाचा – Fox Interrupt Match : लॉर्ड्सवर घडली अनपेक्षित घटना; कोल्ह्यामुळे थांबवावा लागला सामना, VIDEO होतोय व्हायरल

सचिन बुमराहबद्दल काय म्हणाला?

रेडिटवर मालिकेचे विश्लेषण करताना तेंडुलकर म्हणाला, “बुमराहने पहिल्या कसोटीत पहिल्या डावात पाच विकेट्स घेत शानदार सुरुवात केली. दुसऱ्या कसोटीत तो खेळला नाही, पण तिसऱ्या आणि चौथ्या कसोटीत त्याने पुन्हा एकदा पाच विकेट्स घेत आपली छाप पाडली. ज्या दोन सामन्यांमध्ये तो खेळला नाही, तिथे आपण जिंकलो, पण मला वाटतं हा केवळ योगायोग आहे.”

हेही वाचा – Mohammed Siraj : ‘तू सांगितलं का नाही…’, कर्णधार गिलवर सिराज का संतापला होता? पाहा VIDEO

बुमराह आणि सिराज यांची कामगिरी

तेंडुलकरने बुमराहच्या गोलंदाजीचे तोंडभरून कौतुक केले आणि त्याला इतर गोलंदाजांपेक्षा सरस मानले. बुमराहने ४८ कसोटी सामन्यांत २१९ विकेट्स घेतल्या आहेत. दुसरीकडे, मोहम्मद सिराजने बुमराहच्या अनुपस्थितीत उल्लेखनीय कामगिरी केली. सिराजने पाचही सामन्यांत १८५.३ षटके टाकत २३ विकेट्स घेतल्या. सिराजच्या नावावर ४१ कसोटी सामन्यांत १२३ विकेट्स आहेत.