Pune | पुण्यातील आयटी कंपनीत काम करणाऱ्या कर्मचाऱ्याची तब्बल ३६ लाखांची फसवणूक झाल्याचा धक्कादायक प्रकार समोर आला आहे. शेअर मार्केटमध्ये गुंतवणूक करण्याच्या बहाण्याने आयटी कर्मचाऱ्याची आर्थिक फसवणूक करण्यात आली आहे. शेअर मार्केटमध्ये पैसे दुप्पट करतो असे आमिष दाखवत आयटीत काम करणाऱ्या कर्मचाऱ्याकडून तब्बल ३६ लाख ९२ हजारांची फसवणूक केली आहे. या प्रकरणी खराडी पोलिसांत गुन्हा दाखल करण्यात आला आहे. खराडी पोलिसांकडून आरोपीचा शोध घेतला जात आहे. मिळालेल्या माहितीनुसार, शेयर मार्केटमध्ये दुप्पट परतावा देण्याच्या आमिषाने IT कर्मचाऱ्याची मोठी आर्थिक फसवणूक करण्यात आली. Ask Investment Managers Limited या शेयर ट्रेडिंग कंपनीची एजेंन्सी असल्याचा बनाव करत फिर्यादीची आर्थिक फसवणूक केली गेली. हा फसवणूकीचा प्रकार खराडी परिसरात घडला असून, येथील अनेकांची या कंपनीच्या नावाखाली आर्थिक लूट केल्याची माहिती पोलिसांनी दिली आहे. या प्रकरणी खराडी पोलिसांकडून आरोपीचा शोध घेतला जात आहे.
