Israel Palestine Conflict :  इस्रायल आणि हमास यांच्यातील युद्ध थांबण्यासाठी जगातील अनेक देश पुढाकार घेताना दिसून येत आहेत. त्यातच कतारचाही समावेश आहे. दरम्यान, आता कतारचे पंतप्रधान शेख मोहम्मद बिन अब्दुलरहमान अल-थानी यांनी या युद्धाविषयी माहिती दिली आहे. हमासने गाझामधील युद्धविराम योजना आणि ओलीसांच्या सुटकेवर ‘सकारात्मक’ प्रतिक्रिया दिली असल्याचे माहिती त्यांनी दिली आहे.

शेख मोहम्मद बिन अब्दुलरहमान अल-थानी हे सध्या मध्य पूर्व दौऱ्यावर आहेत. त्यामुळे त्यांची ही प्रतिक्रिया अमेरिकेचे परराष्ट्र मंत्री अँटोनी ब्लिंकन यांच्या भेटीनंतर आली आहे.  कतारचे पंतप्रधान म्हणाले की, हमासचा प्रतिसाद सकारात्मक आहे. याबाबत आपण इस्रायलच्या नेत्यांना सांगणार असल्याचेही त्यांनी अमेरिकेच्या परराष्ट्र सचिवांनी सांगितले.

मंगळवारी जारी केलेल्या निवेदनात, हमासने युद्धविराम प्रस्तावाला ‘सकारात्मक भावनेने’ प्रतिसाद दिला आहे, परंतु तरीही संपूर्ण युद्धविराम आणि आक्रमणाचा अंत हवा आहे असे या निवेदनात म्हटले गेले आहे.  कतारने हमाससोबत दीर्घकाळ मध्यस्थी केली आहे.  युएस आणि इजिप्तसोबत युद्धविरामासाठी काम करत आहे ज्यामध्ये दीर्घकालीन लढाई थांबवणे आणि गाझामध्ये अजूनही 100 हून अधिक ओलीस ठेवलेल्यांची सुटका करणे समाविष्ट आहे.

कतारच्या पंतप्रधानांनी हमासच्या प्रतिक्रियेबद्दल कोणतीही माहिती दिली नाही परंतु गटाने “टिप्पण्या” दिल्या आहेत. अँटोनी ब्लिंकन यांनी पुष्टी केली की अधिकाऱ्यांना हमासचा प्रतिसाद मिळाला आहे आणि ते म्हणाले की ते बुधवारी जेव्हा इस्रायली नेत्यांना भेट देतील तेव्हा ते त्यांना माहिती देतील.

अमेरिकेचे परराष्ट्र मंत्रीही आदल्या दिवशी इजिप्तच्या अधिकाऱ्यांना भेटले होते आणि सोमवारी ते सौदी अरेबियात होते. इस्रायल आणि हमास यांच्यातील युद्धविराम करारावर भर देण्यासाठी ते ही भेट देत आहेत. अल जझीराच्या अहवालात असेही म्हटले आहे की हमासने ओलिस कराराला अधिकृतपणे सकारात्मक प्रतिसाद दिला आहे, परंतु अमेरिका आणि कतारचे म्हणणे आहे की गाझामधील लढाई थांबण्यास वेळ लागेल.