ICC Men T20I Batting Rankings Ishan Kishan No 1 : आयसीसीने जारी केलेल्या ताज्या टी-२० फलंदाजांच्या क्रमवारीत मोठा उलटफेर पाहायला मिळाला आहे. भारताचा स्फोटक यष्टिरक्षक फलंदाज इशान किशन याने इतिहास रचत पहिल्यांदाच जगातील नंबर वन टी-२० फलंदाज होण्याचा बहुमान मिळवला आहे. त्याने दीर्घकाळापासून अव्वल स्थानी ठाण मांडून बसलेल्या भारताच्याच अभिषेक शर्माला मागे टाकले आहे. दुसरीकडे, भारतीय संघातून सध्या बाहेर असलेल्या सूर्यकुमार यादवला मात्र या नव्या क्रमवारीत मोठा फटका बसला असून तो टॉप १० मधून बाहेर पडण्याच्या उंबरठ्यावर आहे.

इशान किशन कारकिर्दीच्या सर्वोच्च शिखरावर –

भारत विरुद्ध आयर्लंड मालिका संपल्यानंतर आणि इंग्लंड मालिका सुरू होण्यापूर्वी आयसीसीने ही साप्ताहिक क्रमवारी जाहीर केली. इशान किशन ८७६ रेटिंग गुणांसह पहिल्या स्थानावर पोहोचला आहे. ही त्याच्या कारकिर्दीतील सर्वोत्तम रँकिंग आणि रेटिंग आहे. यापूर्वी तो दुसऱ्या स्थानावर होता. तर दुसऱ्या बाजूला, अभिषेक शर्माला एका स्थानाचा तोटा झाला असून तो ८६९ रेटिंग गुणांसह दुसऱ्या स्थानावर घसरला आहे. दोन्ही भारतीय फलंदाजांमध्ये केवळ ७ गुणांचा फरक असल्याने आगामी इंग्लंडविरुद्धच्या मालिकेत यांच्यात पुन्हा चुरस पाहायला मिळेल.

सामने न खेळण्याचा सूर्यकुमार यादवला फटका –

A changing of the guard at the top of the ICC Men’s T20I Batter Rankings, with further movement in the Test charts following a big week of #WTC27 action 😲

Details 👇https://t.co/KoXIJ9DBFk

— ICC (@ICC) July 1, 2026

गेले काही सामने न खेळू शकल्यामुळे सूर्यकुमार यादवच्या रेटिंग गुणांमध्ये घट झाली आहे. सूर्या सातव्या स्थानावरून आठव्या स्थानावर घसरला असून त्याचे ७०८ रेटिंग गुण आहेत. इंग्लंडच्या जोस बटलरला याचा फायदा झाला असून तो ७१६ गुणांसह सातव्या स्थानावर पोहोचला आहे. टॉप १० मधील इतर स्थानांवर कोणताही बदल झालेला नाही.

हेही वाचा – Vaibhav Net Video : वैभव सूर्यवंशीचा इंग्लंडमध्ये धुमाकूळ! नेटमध्ये गोलंदाजांची धुलाई केल्याचा २२ सेकंदांचा VIDEO व्हायरल

१ जुलैपासून भारत आणि इंग्लंड यांच्यात ५ टी-२० सामन्यांची मालिका सुरू होत असून, या मालिकेतील कामगिरीच्या आधारे आगामी दिवसांत रँकिंग पुन्हा बदलणार आहे.