Ireland Head Coach Heinrich Malan Resigns after IND vs IRE T20I Series : भारतीय संघाविरुद्ध टी-२० मालिकेत २-० असा ऐतिहासिक विजय मिळवून दिल्यानंतर आयर्लंड क्रिकेट संघाचे मुख्य प्रशिक्षक हेनरिक मलान (Heinrich Malan) यांनी एक धक्कादायक निर्णय घेतला आहे. रविवारी भारताचा सूपडा साफ केल्यानंतर मलान यांनी दुसऱ्याच दिवशी म्हणजे सोमवारी आपल्या पदाचा तडकाफडकी राजीनामा दिला. आयर्लंड क्रिकेट बोर्डाने सोशल मीडियाद्वारे मलान यांचा कार्यकाळ संपल्याची माहिती दिली.

हेनरिक मलान यांचा करार २०२७ पर्यंत होता, मात्र नव्या प्रशिक्षकाला आगामी २०२७ च्या वनडे वर्ल्ड कप पात्रता फेरीसाठी पुरेसा वेळ मिळावा म्हणून त्यांनी हे पाऊल उचलले आहे. त्यांच्या जागी माजी खेळाडू गॅरी विल्सन (Gary Wilson) यांची नवे मुख्य प्रशिक्षक म्हणून नियुक्ती करण्यात आली आहे.

हेनरिक मलान यांच्या कार्यकाळातील ऐतिहासिक यश –

█▓▒▒░░░BREAKING NEWS░░░▒▒▓█

Heinrich Malan to step down as Ireland Men’s head coach – read more: https://t.co/LmOtfd6F7d#BackingGreen #FailteSolar pic.twitter.com/Ny3H7tYEjB

— Cricket Ireland (@cricketireland) June 29, 2026

४५ वर्षीय हेनरिक मलान २०२२ मध्ये आयर्लंड संघाशी जोडले गेले होते. त्यांच्या मार्गदर्शनाखाली आयर्लंडने सलग तीन टी-२० विश्वचषकांसाठी पात्रता मिळवली, २०२२ च्या विश्वचषकात इंग्लंडला हरवले, तसेच अफगाणिस्तान आणि झिम्बाब्वेविरुद्ध ऐतिहासिक कसोटी विजय नोंदवले.

🔴 SHOCKING EXIT – IRELAND HEAD COACH RESIGN AFTER BEATING INDIA 🤯

– Heinrich Malan said🎙️- it’s the right time for a new coach to build the team for the 2027 ODI World Cup Qualifiers..

– His resignation comes just one day after Ireland’s historic 2-0 T20I series win over… pic.twitter.com/HKHbXN56o5

— Sam (@cricsam02) June 29, 2026

राजीनाम्यानंतर मलान म्हणाले, “भारत, पाकिस्तान, वेस्ट इंडिज आणि दक्षिण आफ्रिकेसारख्या जगातील बलाढ्य संघांना हरवण्याचा हा प्रवास अत्यंत अभिमानास्पद होता. आयर्लंडच्या खेळाडू आणि स्टाफसोबत काम करणे हा एक अद्भुत अनुभव होता.”

█▓▒▒░░░BREAKING NEWS░░░▒▒▓█

Gary Wilson has been appointed Ireland Men’s new permanent head coach – read more: https://t.co/72vlJBtoge#BackingGreen #FailteSolar pic.twitter.com/Yz6xD76suy

— Cricket Ireland (@cricketireland) June 29, 2026

हेही वाचा – Olympics Cricket Rules : लॉस एंजिल्स ऑलिम्पिक २०२८ साठी भारतीय महिला संघाची थेट एन्ट्री! ICC आणि IOC ने जाहीर केली नियमावली

३० वर्षांनंतर आयर्लंडला मिळाला स्थानिक प्रशिक्षक –

नवे प्रशिक्षक गॅरी विल्सन हे गेल्या ३० वर्षांहून अधिक काळानंतर आयर्लंड पुरुष संघाचे नेतृत्व करणारे पहिले ‘आयरिश मूळ’ असलेले मुख्य प्रशिक्षक ठरले आहेत. त्यांच्यापूर्वी १९९0 च्या दशकात जॉन विल्स हे स्थानिक प्रशिक्षक होते. आयर्लंडला ऑगस्ट महिन्यात अफगाणिस्तानविरुद्ध वनडे मालिका खेळायची असून, नव्या प्रशिक्षकांसमोर २०२७ च्या ५० षटकांच्या विश्वचषक पात्रता फेरीसाठी संघाला सज्ज करण्याचे मोठे आव्हान असेल.