Maharashtra Politics : मोठी बातमी…! राज्यात पुन्हा ऑपरेशन टायगर? एकनाथ शिंदेंच्या जवळच्या माणसाकडून पत्ते ओपन, महत्त्वाची माहिती समोर
Maharashtra Politics : महाराष्ट्राच्या राजकीय वर्तुळात पुन्हा एकदा मोठ्या राजकीय भूकंपाची चर्चा सुरू झाली आहे.
Maharashtra Politics : राज्याच्या राजकारणात पुन्हा एकदा मोठ्या राजकीय घडामोडींची चर्चा सुरू झाली आहे. काही दिवसांपूर्वी शिवसेना शिंदे गटाने ठाकरे गटाला मोठा धक्का देत ‘ऑपरेशन टायगर’ राबवल्याची चर्चा झाली होती. ठाकरे गटाच्या नऊ खासदारांपैकी सहा खासदारांनी शिंदे गटात प्रवेश केल्याने ठाकरे गटाकडे आता तीन खासदार शिल्लक राहिले आहेत. (Maharashtra Politics)
हा धक्का ताजा असतानाच आता ठाकरे गटातील आणखी काही आमदार शिंदे गटाच्या संपर्कात असल्याच्या चर्चांना उधाण आले आहे. सूत्रांच्या माहितीनुसार, ठाकरे गटाचे सुमारे 14 आमदार एकनाथ शिंदे यांच्या संपर्कात असल्याची चर्चा राजकीय वर्तुळात सुरू आहे. मात्र, या चर्चांना ठाकरे गटाने स्पष्टपणे नकार दिला असून, पक्षाचे वातावरण बिघडवण्यासाठी अशा अफवा पसरवल्या जात असल्याचा दावा केला आहे. (Maharashtra Politics)
दरम्यान, या सर्व चर्चांवर शिवसेना शिंदे गटाचे मंत्री आणि एकनाथ शिंदे यांचे निकटवर्तीय मानले जाणारे भरत गोगावले यांनी केलेल्या विधानामुळे राजकीय चर्चांना आणखी उधाण आले आहे. (Maharashtra Politics)
‘ऑपरेशन टायगर सांगून होत नाही’
भरत गोगावले यांनी ‘ऑपरेशन टायगर’बाबत सूचक विधान केले आहे. “ऑपरेशन टायगर सांगून होत नाही. ते एकनाथ शिंदे डायरेक्ट करतात. त्यामुळे तुम्ही वाट पाहा. आमच्याकडे यायला अनेकजण तयार आहेत,” असे गोगावले यांनी म्हटल्याचे समोर आले आहे. (Maharashtra Politics)
त्यामुळे ठाकरे गटातील आणखी काही नेते किंवा आमदार शिंदे गटात प्रवेश करणार का, याबाबतच्या चर्चांना आता पुन्हा जोर आला आहे. मात्र, नेमके कोणते आमदार शिंदे यांच्या संपर्कात आहेत किंवा त्यांच्या पक्षप्रवेशाबाबत कोणताही अधिकृत निर्णय झाला आहे का, याबाबत अद्याप अधिकृत माहिती समोर आलेली नाही. (Maharashtra Politics)
bharat gogawale
‘सुप्रीम कोर्टात आमची बाजू भक्कम’
दरम्यान, शिवसेनेचे नाव आणि धनुष्यबाण चिन्ह याबाबतही सर्वोच्च न्यायालयात सुनावणी सुरू आहे. या प्रकरणावर बोलताना भरत गोगावले यांनी “सुप्रीम कोर्टात आमची बाजू भक्कम आहे. आम्हालाच न्याय मिळेल. आमचीच खरी शिवसेना आहे,” असा दावा केला आहे. (Maharashtra Politics)
त्यामुळे एका बाजूला न्यायालयीन लढाई सुरू असताना दुसरीकडे संभाव्य पक्षप्रवेशांच्या चर्चांनी महाराष्ट्रातील राजकीय वातावरण पुन्हा तापले आहे. आता ठाकरे गटातील आणखी कोणते नेते किंवा आमदार शिंदे गटाची वाट धरतात का, याकडे राजकीय वर्तुळाचे लक्ष लागले आहे. (Maharashtra Politics)
