Maharashtra Politics : राज्याच्या राजकारणातून मोठी बातमी समोर आली आहे. राष्ट्रवादी काँग्रेस शरदचंद्र पवार पक्षाने नव्या प्रवक्त्यांची यादी जाहीर केली आहे. पक्षाकडून तब्बल 10 नेत्यांची प्रवक्तेपदी नियुक्ती करण्यात आली असून, यामध्ये माजी मंत्री आणि आमदार जितेंद्र आव्हाड यांच्यासह विविध नेत्यांचा समावेश आहे. राज्य तसेच राष्ट्रीय पातळीवर पक्षाची अधिकृत भूमिका माध्यमांसमोर मांडण्याची जबाबदारी या प्रवक्त्यांवर असणार आहे. (Maharashtra Politics)

राष्ट्रवादीच्या कोअर कमिटीची बैठक

राष्ट्रवादी काँग्रेस शरदचंद्र पवार पक्षाच्या कोअर कमिटीची बैठक पार पडली. या बैठकीला पक्षाचे प्रदेशाध्यक्ष शशिकांत शिंदे, माजी मंत्री जयंत पाटील, अनिल देशमुख, हर्षवर्धन पाटील, आमदार जितेंद्र आव्हाड, राजेश टोपे, खासदार डॉ. अमोल कोल्हे, खासदार निलेश लंके, माजी खासदार फौजियाताई खान, राजेंद्र शिंगणे आणि माजी आमदार ॲड. अशोकबापू पवार यांच्यासह पक्षातील प्रमुख नेते उपस्थित होते. बैठकीनंतर पक्षाकडून नव्या प्रवक्त्यांच्या नियुक्त्या जाहीर करण्यात आल्या. (Maharashtra Politics)

कोणाकोणाला मिळाली प्रवक्तेपदाची जबाबदारी?

राष्ट्रवादी काँग्रेस शरदचंद्र पवार पक्षाने जाहीर केलेल्या 10 प्रवक्त्यांच्या यादीत पुढील नेत्यांचा समावेश आहे. जितेंद्र आव्हाड, क्लाईड क्रास्टो, भीमराव हत्तीअंबीरे, अनिश गवांदे, अॅड. फैजल मिर्झा, महेबूब इब्राहीम शेख, प्रवीण कुंटे पाटील, प्रशांत सोनबा वीरकर, अॅड. हेमाताई पिंपळे, डॉ. चंद्रकांत बारेला या सर्व नेत्यांवर पक्षाची भूमिका प्रसारमाध्यमांसमोर प्रभावीपणे मांडण्याची जबाबदारी असणार आहे. (Maharashtra Politics)

यापूर्वी प्रवक्त्यांच्या नियुक्त्या रद्द

दरम्यान, ऑगस्ट महिन्याच्या सुरुवातीला राष्ट्रवादी काँग्रेस शरदचंद्र पवार पक्षाने यापूर्वी करण्यात आलेल्या सर्व प्रवक्त्यांच्या नियुक्त्या पुढील आदेशापर्यंत रद्द केल्या होत्या. 4 ऑगस्ट 2026 रोजी याबाबत पक्षाकडून पत्रक जारी करण्यात आले होते. (Maharashtra Politics)

या पत्रानुसार, प्रदेशाध्यक्ष शशिकांत शिंदे यांच्या मान्यतेने पक्षाच्या प्रवक्तेपदासाठी यापूर्वी करण्यात आलेल्या सर्व नियुक्त्या तत्काळ प्रभावाने रद्द करण्यात आल्या होत्या. त्यानंतर माजी आमदार विद्या चव्हाण आणि महेश तपासे हे पक्षाचे अधिकृत प्रवक्ते म्हणून माध्यमांसमोर पक्षाची भूमिका मांडणार असल्याचे स्पष्ट करण्यात आले होते. (Maharashtra Politics)

आता पक्षाने नव्याने 10 प्रवक्त्यांची नियुक्ती केली आहे. त्यामुळे आगामी काळात विरोधकांच्या आरोपांना उत्तर देण्यासह विविध राजकीय आणि सामाजिक मुद्द्यांवर राष्ट्रवादी शरद पवार गटाची भूमिका मांडण्यासाठी या नव्या टीमची महत्त्वाची भूमिका असणार आहे. (Maharashtra Politics)

Maharashtra Politics : रायगडमध्ये ठाकरेंना मोठा धक्का; तटकरेंनी जवळचा नेता फोडला, पदाधिकाऱ्यांसह राष्ट्रवादीत प्रवेश

Maharashtra Politics : खारघरमध्ये झेरॉक्सच्या दुकानात सापडल्या एसआयआर फाइल्स; ठाकरेसेना आणि भाजप कार्यकर्त्यांमध्ये राडा