IPL 2027 Trades : मिनी लिलावापूर्वी IPL मध्ये मोठा भूकंप; हार्दिक, पंतसह १० खेळाडूंची अदलाबदल, मुंबई-लखनौने थेट कर्णधारच बदलले
IPL 2027 Trades : हार्दिक आणि अर्शदीप यांच्या आधी, ऋषभ पंत आणि कुलदीप यादव यांची अदलाबदल झाली होती. टी नटराजन आणि झिशान अन्सारी यांचीही अदलाबदल झाली. दरम्यान, चेन्नई सुपर किंग्सने सनरायझर्स हैदराबादसोबत चार खेळाडूंची अदलाबदल केली.
IPL 2027 Player Trades Rishabh Pant Hardik Pandya Arshdeep Singh Mini Auction : आयपीएल २०२७ च्या मिनी लिलावापूर्वी खेळाडूंच्या अदलाबदलीचा (ट्रेडिंग विंडो) जोरदार थरार पाहायला मिळत आहे. आतापर्यंत चार मोठे व्यवहार पूर्ण झाले असून तब्बल १० खेळाडूंनी संघ बदलले आहेत. २०२६ च्या हंगामातील कमकुवत बाजू भरून काढण्यासाठी फ्रँचायझींनी थेट कर्णधारांवरच बोली लावली आहे. लखनौ आणि मुंबईने दर्जेदार गोलंदाजांसाठी आपल्या कर्णधारांनाच ट्रेड करून क्रिकेट विश्वाला मोठा धक्का दिला आहे.
ऋषभ पंतची दिल्लीत घरवापसी; कुलदीप यादव लखनौमध्ये दाखल
लखनौ सुपर जायंट्सकडून दोन हंगाम खेळल्यानंतर स्टार यष्टिरक्षक ऋषभ पंतची दिल्ली कॅपिटल्समध्ये घरवापसी झाली आहे. २०२५ च्या लिलावात लखनौने त्याला २७ कोटी रुपयांची विक्रमी बोली लावून कर्णधार केले होते; मात्र अपयशी कामगिरीनंतर पंत आता १५ कोटींच्या मानधनावर पुन्हा दिल्लीत परतला आहे. या ट्रेडमध्ये दिल्लीचा अनुभवी फिरकीपटू कुलदीप यादव १३.५० कोटी रुपयांच्या विद्यमान शुल्कावर लखनौ संघात सामील झाला आहे.
हार्दिक पंड्या पंजाबमध्ये; अर्शदीप सिंगची मुंबई इंडियन्समध्ये एन्ट्री
🚨 IPL 2027 TRADE DEALS SO FAR! 🏏
Which trade deal shocked or surprised you the most? 👀🔥
Share your thoughts in the comments! 👇 https://t.co/kzotzI05xZ
— SportsGully Cricket 🏏 (@sportsgullycric) November 5, 2026
या ट्रेडिंग विंडोतील सर्वात मोठा धमाका मुंबई इंडियन्स आणि पंजाब किंग्स यांच्यात झाला. मुंबईचा कर्णधार हार्दिक पंड्या १८ कोटींच्या मानधनावर पंजाब किंग्समध्ये गेला आहे. त्याच्या बदल्यात भारताचा स्टार डावखुरा वेगवान गोलंदाज अर्शदीप सिंग १८ कोटींच्या शुल्कावर मुंबईत दाखल झाला आहे. अर्शदीपने पंजाबसाठी ९६ सामन्यांत १११ विकेट्स घेतल्या होत्या; तब्बल आठ वर्षांनंतर त्याची आणि पंजाबची साथ सुटली आहे.
टी. नटराजन हैदराबादमध्ये परतला; CSK आणि SRH मध्ये चार खेळाडूंचा व्यवहार
🚨ALL IPL TRADES AHEAD OF IPL 2027🚨
MI – Hardik Pandya (16.35 Cr)
PBKS – Arshdeep Singh (18 Cr)LSG – Rishabh Pant (15 Cr)
DC – Kuldeep Yadav (13.5 Cr)SRH – Liam Livingstone (6 Cr)
SRH – Jack Edwards (3 Cr)CSK – Nathan Ellis (2 Cr)
CSK – Khaleel Ahmed (4.8 Cr)DC – T Natrajan (5 Cr)
SRH – Jeeshan Ansari (40 L)— MANU (@IMManu_14) November 10, 2026
अचूक यॉर्कर स्पेशालिस्ट टी. नटराजन ५ कोटींच्या शुल्कावर दिल्लीतून सनरायझर्स हैदराबादमध्ये (SRH) परतला असून लेग स्पिनर झिशान अन्सारी (४० लाख) दिल्लीत गेला आहे. दुसरीकडे, चेन्नई सुपर किंग्स (CSK) आणि हैदराबादमध्ये चार खेळाडूंची देवाणघेवाण झाली. इंग्लंडचा लियम लिव्हिंगस्टोन (६ कोटी) आणि ऑस्ट्रेलियन जॅक एडवर्ड्स (३ कोटी) चेन्नईत आले आहेत, तर वेगवान गोलंदाज खलील अहमद (४.८० कोटी) आणि नॅथन एलिस (२ कोटी) हैदराबाद संघात दाखल झाले आहेत.
१६ डिसेंबरला गोव्यात रंगणार मिनी लिलाव; १७ नोव्हेंबरपर्यंत मुदत
सर्व १० फ्रँचायझींना १७ नोव्हेंबरपर्यंत रिटेन आणि रिलीज केलेल्या खेळाडूंची यादी बीसीसीआयकडे सोपवायची आहे. त्यानंतर १६ डिसेंबर रोजी गोव्यात आयपीएल २०२७ चा मिनी लिलाव पार पडेल. या मोठ्या ट्रेडमुळे आगामी हंगामात अनेक संघ पूर्णपणे नव्या रणनीतीसह मैदानात उतरताना दिसतील.
