Jofra Archer 11 Ball Over Record IPL 2026 : आयपीएल २०२६ चा ५२ व्या सामन्यात राजस्थान रॉयल्स आणि गुजरात टायटन्स जयपूरच्या सवाई मानसिंह स्टेडियमवर आमनेसामने आले होते. या सामन्यात राजस्थानने नाणेफेक जिंकून प्रथम गोलंदाजीचा निर्णय घेतला खरा, पण त्यांची सुरुवात एखाद्या भयावह स्वप्नासारखी झाली. राजस्थानचा मुख्य वेगवान गोलंदाज जोफ्रा आर्चरने पहिल्याच षटकात नो-बॉल आणि वाईड चेंडूंचा असा काही पाऊस पाडला की, त्याच्या नावावर एका नकोशा विक्रमाची नोंद झाली आहे.

आयपीएल इतिहासातील पहिलीच घटना –

जोफ्रा आर्चरने डावातील पहिल्याच षटकात तब्बल ११ चेंडू फेकले. आयपीएलच्या इतिहासात सामन्याचे पहिलेच षटक एवढे मोठे टाकणारा आर्चर हा पहिलाच गोलंदाज ठरला आहे. आयपीएलमध्ये एकाच षटकात सर्वाधिक चेंडू टाकणाऱ्या गोलंदाजांच्या यादीत आता तो संयुक्तपणे पहिल्या क्रमांकावर पोहोचला आहे. आर्चरने या षटकात ४ वाईड आणि १ नो-बॉल टाकला, ज्यामध्ये त्याने एकूण १८ धावा मोजल्या. जर त्याने अजून एक अवांतर चेंडू टाकला असता, तर आयपीएल इतिहासातील ते सर्वात मोठे षटक ठरले असते.

11-ball over in IPL history 😳💥
Jofra Archer completely lost his rhythm, and Sangakkara had to calm him down after the over. 🥲🏏 pic.twitter.com/5EMwyKjNsm

— Mumbai Army (@Mumbai_Strikers) May 9, 2026

एका षटकात सर्वाधिक ११ चेंडू टाकणारे गोलंदाज:

• मोहम्मद सिराज – विरुद्ध मुंबई इंडियंस (२०२३)
• तुषार देशपांडे – विरुद्ध लखनौ सुपर जायंट्स (२०२३)
• शार्दुल ठाकुर – विरुद्ध कोलकाता नाइट राइडर्स (२०२५)
• संदीप शर्मा – विरुद्ध दिल्ली कॅपिटल्स (२०२५)
• हार्दिक पांड्या – विरुद्ध गुजरात टायटन्स (२०२५)
• अर्शदीप सिंग – विरुद्ध गुजरात टायटन्स (२०२६)
• जोफ्रा आर्चर – विरुद्ध गुजरात टाइटंस (२०२६)

हंगामात आतापर्यंतची कामगिरी –

या सामन्यातील खराब सुरुवातीचा अपवाद वगळता, जोफ्रा आर्चरसाठी आयपीएल २०२६ चा हंगाम आतापर्यंत शानदार राहिला आहे. त्याने या स्पर्धेत आतापर्यंत एकूण १५ बळी घेतले आहेत. मात्र, गुजरात टायटन्स विरुद्धच्या या सामन्यातील पहिल्या षटकाने त्याच्या कामगिरीवर थोडे गालबोट लावले आहे.

हेही वाचा – IPL Vaping Controversy : ‘हे तुरुंगात असायला हवे…’, चहल-परागच्या ‘व्हेपिंग’वरुन माजी खेळाडू आक्रमक; म्हणाला, ‘या जागी सामान्य माणूस..’

साई आणि गिलची विक्रमी भागीदारी –

An unusual start to the match! 😅

Jofra Archer bowled 11 balls to complete the first over – the longest over in TATA IPL! 🤯

Gujarat Titans’ biggest first over ever – 18 runs! #TATAIPL Revenge Week 2026 ➡️ #RRvGT | LIVE NOW 👉 https://t.co/4f0xDg7EfO pic.twitter.com/bZFFBgUADp

— Star Sports (@StarSportsIndia) May 9, 2026

या सामन्यात गुजरात टायटन्सचे सलामीवीर शुबमन गिल आणि साई सुदर्शन यांनी एक ऐतिहासिक सलामीची भागीदारी रचली. या दोघांनी ६५ चेंडूंमध्ये ११८ धावांची धडाकेबाज सलामीची भागीदारी केली. या धावसंख्येवर, यशराज पुंजाच्या षटकात बाद झालेल्या साई सुदर्शनच्या रूपाने संघाला पहिला धक्का बसला. साईने ३६ चेंडूंमध्ये सहा चौकार आणि दोन षटकारांसह ५५ धावा केल्या. यानंतर गुजरात टायटन्सने २० षटकात ४ गडी गमावून २२९ धावांचा डोंगर उभारला.