मुंबई – जॉनी बेअरस्टो आणि लियाम लिविंगस्टोन यांच्या जबरदस्त खेळीच्या जोरावर पंजाब किंग्जने निर्धारित 20 षटकांत 8 बाद 209 धावांपर्यंत मजल मारली आहे. अशाप्रकारे रॉयल चॅलेंजर्स बेंगळुरूला विजयासाठी 210 धावांचे मोठे आव्हान दिले आहे.

प्रथम फलंदाजी करताना पंजाबचे सलामीवीर शिखर धवन आणि जॉनी बेअरस्टो यांनी चांगली सुरुवात केली. बेअरस्टो व धवन यांनी 3.5 षटकांत फलकावर 50 धावा चढवल्या. पाचव्या षटकात ग्लेन मॅक्‍सवेलने धवनला ( 21) मॅक्‍सवेलने त्रिफळाचीत करून 60 धावांवर पंजाबला पहिला धक्‍का दिला. दुसरीकडे बेअरस्टोची फटकेबाजी थांबली नाही. त्याने मोहम्मद सिराजच्या पुढच्याच षटकात चार खणखणीत षटकात खेचले आणि 21 चेंडूंत अर्धशतक पूर्ण केले. पंजाबने पहिल्या सहा षटकांत 1 बाद 83 धावा कुटल्या.

त्यानंतर भानुकाही स्वस्तात माघारी परतला. दुसरीकडे जॉनी बेअरस्टोने एक बाजू सांभाळत 29 चेंडूत 66 धावा बाद झाला. त्यानंतर पंजाबचे गडी एकामागे एक बाद होत होते. पण लिव्हिंगस्टोन मात्र तुफान फटकेबाजी केली. लियामने 42 चेंडूत 5 चौकार आणि 4 षटकार ठोकत 70 धावा केल्या. या खेळीच्या जोरावर संघाने 200 पार धावसंख्या नेली.

Innings Break! @liaml4893 & @jbairstow21 hammered fifties to power @PunjabKingsIPL to 209/9. 👌 👌@HarshalPatel23 was the pick of the @RCBTweets bowlers. 👍 👍

The #RCB chase to commence soon. 🤔 🤔

Scorecard ▶️ https://t.co/jJzEACTIT1 #TATAIPL | #RCBvPBKS pic.twitter.com/3knpV5oqxG

— IndianPremierLeague (@IPL) May 13, 2022

पंजाब संघाचे फलंदाज तुफान फटकेबाजी करत असताना अखेरच्या षटकात हर्षलने अप्रतिम गोलंदाजी करत केवळ 4 धावा देत 2 विकेट्‌स घेतल्या, शिवाय एक खेळाडू धावचित केला. यामुळे पंजाबची धावसंख्या 209च्या पुढे जाऊ शकली नाही. हर्षल पटेलने सर्वाधिक 4, वानिंदू हसरंगाने 2, तर शाहबाझ अहमद आणि ग्लेन मॅक्‍सवेलने प्रत्येकी 1-1 विकेट घेतली.