Oil Crisis: अमेरिकेने भारताला रशियाकडून एक महिना खनिज तेल खरेदी करण्याची परवानगी दिली आहे. त्यामुळे सध्या जहाजावर असलेले खनिज तेल भारतीय तेल शुद्धीकरण करणार्या कंपन्याकडून खरेदी केले जात आहे. मात्र अमेरिकेने रशियातील बर्याच कंपन्यावर आणि जहाजावर निर्बंध घातले आहेत. अशा परिस्थितीत या कंपन्याकडून किंवा या जहाजावरून तेल खरेदी कायदेशीर आहे की नाही याबाबत संभ्रम कायम असल्याचे तेल शुद्धीकरण क्षेत्रातील कंपन्यांच्या सूत्रांनी नमूद केले. रशियाच्या जहाजावर जे तेल सध्या समुद्रात उपलब्ध आहे. ते तेल भारताने खरेदी करण्यास हरकत नाही असे अमेरिकेने म्हटले आहे. त्यामुळे भारताच्या ऊर्जा सुरक्षिततेला मदत होईल. जागतिक बाजारात वाढलेल्या तेलाच्या किमती कमी होण्यास मदत होईल. भारतीय तेल शुद्धीकरण कंपन्यांनी ज्या कंपन्यावर अमेरिकेचे निर्बंध नाहीत त्या कंपन्याकडून आतापर्यंत वीस दशलक्ष पिंपतेल खरेदी केले आहे. बंदी घातलेल्या कंपन्याकडून भारताला तेल खरेदी करता येईल का याबाबत अमेरिकेने स्पष्ट निर्देश दिलेले नाहीत. त्यामुळे भारतीय तेल शुद्धीकरण कंपन्यात अशा कंपन्याकडून तेल खरेदी टाळत आहेत. काही सूत्रानी सांगितले की अमेरिकेने परवानगी देण्याअगोदरच भारताने रशियाकडून तेल खरेदी सुरू केली होती. 2022 मध्ये रशियाने युक्रेनवर हल्ला केल्यानंतर भारताने रशियाकडून सर्वात जास्त तेल खरेदी केले आहे. मात्र अमेरिकेने रशियाकडून तेल खरेदी करू नये असा आग्रह केल्यानंतर जानेवारीपासून भारतातील तेल शुद्धीकरण करणार्या कंपन्यांनी तेल खरेदी कमी केली होती. आता ती पुन्हा वाढविली आहे. काही सूत्रांनी सांगितले की, भारताने रशियाकडून तेल खरेदी कधीच थांबविली नाही.जेव्हा अमेरिकेने इराणवर हल्ला केला तेव्हा भारत रशियाकडून रोज 1.04 दशलक्ष पिंप तेलाची खरेदी खरीद होता. तेल खरेदी कमी झाली आहे एवढे मात्र खरे. कारण नोव्हेंबर 2022 मध्ये भारताने रशियाकडून रोज 2.15 दशलक्ष पिंप तेल खरेदी केले होते.
