त्यानंतर दुसऱ्या प्रयत्नात, पाकिस्तानी खेळाडू मिकाईल अली बेगने हस्तांदोलन केले पण त्याने काही क्षणातच त्याचा हात बाजूला केला, ज्यामुळे त्याची पराभवानंतरची निराशा स्पष्टपणे दिसून आली. हा सर्व प्रकार घडला तेव्हा तविश पाहवाने खूप परिपक्वता आणि संयम दाखवला. या घटनेवर त्याने कोणतीही वाईट प्रतिक्रिया दिली नाही किंवा काहीही अनुचित वर्तन केले नाही.

या घटनेनंतर पाकिस्तानी खेळाडू मिकाईल अली बेग त्याच्या असभ्य वागण्यामुळे सोशल मीडियावर टीकेचा विषय ठरला. टेनिस चाहत्यांनी आणि सोशल मीडिया युजर्स पाकिस्तानी खेळाडूवर जहरी टीका करताना भारतीय खेळाडूचे कौतुक करत आहेत. स्पर्धेत भारताच्या विजयासोबतच ही घटना देखील चर्चेचा विषय बनली आहे.