भारतीय हॉकी संघाला सातत्य राखण्याची गरज – ग्रॅहम रीड

पर्थ – भारतीय हॉकी संघाने नुकताचा ऑस्ट्रेलिया येथे पाच सामन्यांचा छोटेखानी दौरा संपन्न केला ज्यात भारतीय संघाने पर्थ स्क्रॉचर्स आणि ऑस्ट्रेलिया अ संघांविरुद्ध चांगली कामगिरी नोंदवली. मात्र, ऑस्ट्रेलियन हॉकी संघा विरुद्ध भारतीय संघाला एकतर्फी पराभव स्विकारावा लागला होता. त्यामुळे भारतीय संघाला आपल्या कामगिरीत सातत्या राखण्याची गरज असल्याचे विधान संघाचे नवनियुक्त प्रशिक्षक ग्रॅहम रीड यांनी केले आहे.

आपल्या कार्यकाळातील पहिल्याच परदेश दौऱ्यावर संघासोबत असणाऱ्या रीड यांनी संघाच्या कामगिरी विषयी आपले मत मांडणाताना म्हणाले की, माझ्या मायदेशातच हा दौरा असल्याने भारतीय खेळाडूंचा खेळ अगदी जवळून समजून घेण्याची चांगली संधी मला मिळाली. पाचव्या क्रमांकावरील भारत आणि दुसऱ्या क्रमांकावरील ऑस्ट्रेलिया यांच्यातील खेळाची तुलना मला करता आली. भारतीय संघाने जागतिक दर्जाच्या ऑस्ट्रेलिया संघाविरुद्ध सातत्याने खेळायला हवे, त्याच बरोबर बचावपटूंनी आपल्या क्षेत्रात सुधारणा करण्याची गरज आहे. जगातील अनेक संघ वेगवान आणि ताकदवान हॉकीचे प्रदर्शन करत असताना बचावाच्या बाबतीत सुधारणा केली तर या संघांनाही तोडीस तोड उत्तर देता येईल, असेही ग्रॅहम रीड म्हणाले.

तरच त्यांना कामगिरीत सुधारणा करता येईल

आता ऑलिम्पिक पात्रता फेरीकडे आगेकूच करताना आम्हाला ऑस्ट्रेलियाविरुद्धच्या दोन सामन्यांतील अनुभवाचा फायदा होईल. आगामी एफआयएच वर्ल्ड सीरिज फायनल्स स्पर्धेसाठी आमची तयारी उत्तम झाली आहे, असे म्हणता येईल. भारताला आपल्या आक्रमणावर अधिक भर देण्याची गरज आहे. जर दडपणाच्या परिस्थितीत गोल करण्याची क्षमता भारताने विकसित केली तर ऑस्ट्रेलियासारख्या बलाढय संघांनाही पराभूत करता येईल. त्यासाठी बचावफळीने गोल करण्याच्या अधिकाधिक संधी निर्माण करण्याची आवश्‍यकता आहे. आता सोमवारपासून भुवनेश्वर येथे सुरू होणाऱ्या सराव शिबिरात याच गोष्टींवर अधिक भर दिला जाईल,” असेही रीड यांनी सांगितले.

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)