India Beat Pakistan 5-3 FIH Hockey World Cup 2026 Pool D : एफआयएच पुरुष हॉकी विश्वचषक २०२६ (FIH Hockey World Cup 2026) मध्ये भारतीय संघाने आपला पारंपरिक प्रतिस्पर्धी पाकिस्तानविरुद्धचा दबदबा पुन्हा एकदा सिद्ध केला आहे. पूल-डी मधील अत्यंत चुरशीच्या आणि महत्त्वाच्या लढतीत भारताने पाकिस्तानचा ५-३ असा पराभव करत क्वार्टर फायनल (Top-8) फेरीत आपले स्थान पक्के केले. इंग्लंडविरुद्धच्या पराभवानंतर टीम इंडियासाठी हा सामना ‘करो या मरो’ अशा स्वरुपाचा होता; मात्र कर्णधार हरमनप्रीत सिंग (Harmanpreet Singh) आणि युवा स्टार अभिषेक यांनी प्रत्येकी २-२ गोल, तर हार्दिक सिंगने १ गोल करत भारताला दिमाखदार विजय मिळवून दिला.

पहिल्याच क्वार्टरमध्ये भारताची २-० अशी भक्कम आघाडी!

सामना सुरू होताच पहिल्या मिनिटापासून भारतीय खेळाडूंनी आक्रमक चाली रचत पाकिस्तानवर प्रचंड दबाव निर्माण केला. सामन्याच्या चौथ्याच मिनिटाला मिळालेल्या पेनल्टी कॉर्नरवर कर्णधार हरमनप्रीत सिंगने कोणतीही चूक न करता अप्रतिम ड्रॅग-फ्लिकने भारताचे खाते उघडले. त्यानंतर १० व्या मिनिटाला अभिषेकने अप्रतिम मैदानी गोल (Field Goal) नोंदवून भारताची आघाडी २-० अशी वाढवली आणि पहिल्या क्वार्टरवर पूर्णपणे नियंत्रण मिळवले.

दुसऱ्या क्वार्टरमध्ये गोलचा पाऊस; पाकिस्तानची परतण्याची धडपड!

𝗔 𝗗𝗘𝗖𝗔𝗗𝗘 𝗢𝗙 𝗗𝗢𝗠𝗜𝗡𝗔𝗡𝗖𝗘. 𝗔𝗡𝗢𝗧𝗛𝗘𝗥 𝗖𝗛𝗔𝗣𝗧𝗘𝗥 𝗪𝗥𝗜𝗧𝗧𝗘𝗡. 🇮🇳🔥

Indian Men’s Team defeated Pakistan 5–3 in a thrilling Pool D clash at the FIH Hockey World Cup Belgium & Netherlands 2026, extending their dominance in this iconic rivalry. 🏑🏆… pic.twitter.com/UqhiEV6v57

— Hockey India (@TheHockeyIndia) August 19, 2026

दुसऱ्या क्वार्टरमध्ये दोन्ही संघांकडून जोरदार आक्रमणे झाली. २० व्या मिनिटाला हरमनप्रीतने आणखी एक पेनल्टी कॉर्नर गोलमध्ये बदलून भारताला ३-० वर नेले. यानंतर लगेच २१ व्या मिनिटाला पाकिस्तानच्या शाहिद हन्नानने गोल करत अंतर कमी केले. मात्र, २३ व्या मिनिटाला अभिषेकने वैयक्तिक दुसरा गोल डागत भारताला ४-१ ची आघाडी मिळवून दिली. २४ व्या मिनिटाला पाकिस्तानच्या सुफयान खानने गोल केल्याने मध्यंतरापर्यंत भारताकडे ४-२ अशी आघाडी कायम राहिली.

हेही वाचा – Sri Lanka Injury Crisis : पराभवानंतर श्रीलंकेला दुहेरी झटका! भारताविरुद्धच्या दुसऱ्या कसोटीपूर्वी ३ स्टार खेळाडू बाहेर

हार्दिक सिंगचा निर्णायक गोल; पाकिस्तानचा खेळ खल्लास!

𝗣𝗢𝗢𝗟 𝗗 𝗦𝗧𝗔𝗡𝗗𝗜𝗡𝗚𝗦 𝗔𝗙𝗧𝗘𝗥 𝗔 𝗧𝗛𝗥𝗜𝗟𝗟𝗜𝗡𝗚 𝗪𝗜𝗡! 🇮🇳🔥

India finish 2nd in Pool D after a hard-fought 5–3 victory over Pakistan! 🏑🇮🇳

The Men in Blue are through to the next round and keep their semifinal dream alive! 👊🏆#HockeyIndia #IndiaKaGame… pic.twitter.com/ZIUklU2DOf

— Hockey India (@TheHockeyIndia) August 19, 2026

मध्यंतरानंतर तिसऱ्या क्वार्टरमध्ये हार्दिक सिंगने मिळालेल्या पेनल्टीवर गोल डागत भारताचा स्कोअर ५-२ केला आणि संघाचा विजय जवळपास निश्चित केला. चौथ्या क्वार्टरच्या ४५ व्या मिनिटाला पाकिस्तानच्या शाहिद हन्नानने वैयक्तिक दुसरा गोल करून स्कोअर ५-३ केला खरा; पण अखेरच्या मिनिटांत भारतीय बचावफळीने भिंतीसारखा बचाव करत पाकिस्तानच्या सर्व आशा धुळीस मिळवल्या आणि भारताने ऐतिहासिक विजयाची नोंद केली.