Kalas News : इंदापूर तालुक्याच्या पश्चिम भागातील खडकवासला कालवा आणि वितरिकांची गेल्या अनेक वर्षांपासून दुरवस्था झाली असून, दुरुस्तीकडे जलसंपदा विभागाचे दुर्लक्ष होत असल्याचा आरोप लाभधारक शेतकऱ्यांकडून करण्यात येत आहे. (Kalas News)

कालवा आणि वितरिकांमध्ये मोठ्या प्रमाणात गाळ, दगडगोटे तसेच झाडे-झुडपे वाढली आहेत. काही ठिकाणी वितरिकांचे अस्तित्वच नष्ट झाले असून, काही ठिकाणी अवघ्या एक किलोमीटर अंतरापुढे पाणी पोहोचत नसल्याची परिस्थिती आहे. (Kalas News)

दुरुस्तीचे काम अर्ध्यावरच बंद

कालवा आणि वितरिकांच्या दुरुस्तीसाठी यापूर्वी कामाला सुरुवात करण्यात आली होती. मात्र, हे काम अर्ध्यावरच बंद झाल्याने शेतकऱ्यांमध्ये नाराजी पसरली आहे. दुरुस्तीच्या कामासाठी आवश्यक निधीची तरतूद होत नसल्याचाही आरोप करण्यात येत आहे. इतर तालुक्यांना निधी मंजूर होतो, मग इंदापूर तालुक्याच्या शेवटच्या टोकाचा निधी जातो कुठे? असा सवाल लाभधारक शेतकरी उपस्थित करत आहेत. (Kalas News)

हजारो हेक्टर शेती पाण्यापासून वंचित

खडकवासला कालव्यावर शेटफळगढे, निरगुडे, मदनवाडी, अकोले, भादलवाडी, कळस, रुई, न्हावी आणि लोणी देवकर परिसरातील पाझर तलाव, छोटे-मोठे बंधारे, पाणीपुरवठा योजना तसेच शेती क्षेत्र मोठ्या प्रमाणात अवलंबून आहे. मात्र कालवा आणि वितरिकांची दुरवस्था असल्यामुळे हजारो हेक्टर शेती अद्याप पाण्याविना पडीक असल्याचे शेतकऱ्यांचे म्हणणे आहे. (Kalas News)

दुरुस्ती झाल्यास शेतीला मोठा फायदा

कालवा आणि वितरिकांची तातडीने दुरुस्ती करून पाणी शेवटच्या टोकापर्यंत पोहोचविल्यास हजारो एकर शेती बागायती होऊ शकते, असा विश्वास शेतकऱ्यांनी व्यक्त केला आहे. (Kalas News)

त्यामुळे जलसंपदा विभागाने या प्रश्नाकडे गांभीर्याने लक्ष देऊन कालवा व वितरिकांच्या दुरुस्तीसाठी निधी उपलब्ध करून कामे तातडीने पूर्ण करावीत, अशी मागणी लाभधारक शेतकऱ्यांकडून होत आहे. (Kalas News)

Kalas News : वायाळवस्तीपाटी-गोसावीवाडी रस्त्याची दुरवस्था; नागरिकांसह विद्यार्थ्यांना नाहक त्रास

Kalas Load Shedding: नाही तर कार्यालयातच साप सोडणार! महावितरणच्या कारभारावर नागरिक का झाले आक्रमक?