IND W vs PAK W Harmanpreet Kaur No Handshake Policy : महिला टी-२० विश्वचषक २०२६ स्पर्धेतील सहाव्या आणि सर्वात हाय-व्होल्टेज सामन्यात कट्टर प्रतिस्पर्धी भारत आणि पाकिस्तान आमनेसामने आले आहेत. बर्मिंघम येथील ऐतिहासिक एजबेस्टन मैदानावर हा थरार रंगला आहे. भारत-पाकिस्तान सामन्याचा उत्साह दोन्ही देशांतील चाहत्यांमध्ये शिगेला पोहोचलेला असतानाच, टॉसच्या वेळी एका वेगळ्याच घटनेने सर्वांचे लक्ष वेधून घेतले. या महत्त्वाच्या सामन्यात भारतीय कर्णधार हरमनप्रीत कौरने आपली वादग्रस्त ‘नो हँडशेक पॉलिसी’ कायम ठेवत पाकिस्तानची नवनियुक्त कर्णधार फातिमा सना हिच्याशी हस्तांदोलन (हात मिळवणे) करणे टाळले.

नाणेफेक जिंकून भारताची प्रथम फलंदाजी –

या महामुकाबल्यात भारतीय कर्णधार हरमनप्रीत कौरने नाणेफेक जिंकून प्रथम फलंदाजी करण्याचा निर्णय घेतला आहे. टॉसच्या वेळी बोलताना हरमनप्रीत म्हणाली, “एजबेस्टनची ही खेळपट्टी फलंदाजीसाठी अत्यंत उत्तम आहे. त्यामुळे आम्हाला प्रथम फलंदाजी करत स्कोअरबोर्डवर मोठी धावसंख्या उभा करायची आहे. आमचे सर्व खेळाडू कमालीचे उत्सुक असून आम्ही मागील विश्वचषकाच्या आत्मविश्वासासह मैदानात उतरत आहोत.” या सामन्यासाठी भारतीय संघ ३ फिरकीपटू आणि २ मध्यम गती गोलंदाजांच्या रणनीतीसह मैदानात उतरला आहे.

हँडशेक वादावर हरमनप्रीतचे मोठे वक्तव्य –

No handshake between Harmanpreet Kaur and Fatima Sana during the toss. #INDvsPAK #T20WorldCup #TeamIndia #Cricket pic.twitter.com/yCyIjLi7Gp

— 𝙶𝚊𝚞𝚝𝚊𝚖 𝙰𝚍𝚒𝚝𝚢𝚊 (@RINKUSINGH42465) June 14, 2026

सामन्यापूर्वी झालेल्या पत्रकार परिषदेत हरमनप्रीतला हँडशेक पॉलिसीबद्दल थेट प्रश्न विचारण्यात आला होता. त्यावर उत्तर देताना ती म्हणाली, “आमचे पूर्ण लक्ष फक्त आणि फक्त क्रिकेटवर केंद्रित आहे. ड्रेसिंग रूममध्ये आम्ही खेळाव्यतिरिक्त इतर कोणत्याही गोष्टीवर चर्चा करत नाही.”

India won the toss and they have chosen to bat first in the World Cup opener against rivals Pakistan!

and, there were no handshakes between the two captains.#INDvsPAK #T20WorldCup pic.twitter.com/qM9Rx24DvY

— CREX (@Crex_live) June 14, 2026

दबावाबाबत बोलताना ती पुढे म्हणाली, “एक चाहती म्हणून जेव्हा मी लहानपणी भारत-पाकिस्तान मॅच पाहायचे, तेव्हाच मला या सामन्याचा दबाव जाणवायचा. आता तर मी स्वतः खेळत आहे, त्यामुळे दबाव जास्त असणे स्वाभाविक आहे. पण आम्ही एकमेकांना हाच सल्ला देतो की दडपण न घेता या मोठ्या सामन्याचा आनंद घ्या.”

हेही वाचा – Vaibhav Sooryavanshi Injury : टीम इंडियाला मोठा धक्का! भारताचा वंडर बॉय वैभव सूर्यंवशीला सराव सत्रात गंभीर दुखापत

दोन्ही संघांची प्लेइंग इलेव्हन –

• भारत: स्मृती मानधना, शफाली वर्मा, जेमिमा रॉड्रिग्ज, हरमनप्रीत कौर (कर्णधार), भारती फुलमाळी, ऋचा घोष (यष्टिरक्षक), दीप्ती शर्मा, अरुंधती रेड्डी, श्रेयंका पाटील, श्री चरणी, क्रांती गौड.

• पाकिस्तान: गुल फिरोजा, मुनीबा अली (यष्टिरक्षक), आयेशा जफर, सायरा जबीन, आलिया रियाज, नतालिया परवेझ, फातिमा सना (कर्णधार), रमीन शमीम, नाशरा संधू, तस्मिया रुबाब, सादिया इक्बाल.