IND vs PAK Sahibzada Farhan Hit Most Sixes against Bumrah : आशिया कप 2025 च्या अंतिम सामन्यात पाकिस्तानचा सलामीवीर साहिबझादा फरहानने भारताविरुद्ध धमाकेदार खेळी करत सर्वांचे लक्ष वेधले. फखर झमानसह सलामीला येत त्याने पहिल्या विकेटसाठी 84 धावांची भागीदारी रचली. यात साहिबझादाने एकट्याने 57 धावा कुटल्या, ज्यात 5 चौकार आणि 3 उत्तुंग षटकारांचा समावेश होता. त्याने जसप्रीत बुमराहलाही सळो की पळो करून सोडले. या दरम्यान त्याने एक खास विक्रम करत इतिहास रचला.

साहिबझादा फरहाने केला खास विक्रम –

दहाव्या षटकात वरुण चक्रवर्तीने साहिबझादा फरहानला बाद करत भारताला पहिली विकेट्स मिळवून दिली. त्याचबरोब एक घातक भागीदारी संपुष्टात आणली. तत्पूर्वी साहिबझादाने बुमराहविरुद्ध एक खास पराक्रम नोंदवला. साहिबजादाने याच आशिया कपमध्ये बुमराहविरुद्ध दोन षटकार ठोकले होते, आणि फायनलमध्ये आणखी एक षटकार ठोकत त्याने टी-20 आंतरराष्ट्रीय क्रिकेटमध्ये बुमराहविरुद्ध सर्वाधिक 3 षटकार ठोकण्याचा विक्रम आपल्या नावावर केला.

टी-20 आंतरराष्ट्रीमध्ये बुमराहविरुद्ध सर्वाधिक षटकार मारणारे :

• 3: साहिबझादा फरहान
• 2: एल्टन चिगुंबुरा
• 2: लेंडल सिमन्स
• 2: किरॉन पोलार्ड
• 2: मार्टिन गुप्टिल
• 2: कॅमरुन ग्रीन

हेही वाचा – IND vs PAK : भारत-पाक फायनल सामन्यात टॉस ड्रामा; मुलाखतींवरून बीसीसीआय-पीसीबी भिडले!

जसप्रीत बुमराहविरुद्ध नव्या किंवा जुन्या चेंडूवर षटकार लगावणे सोपे नाही, पण साहिबझादाने हे आव्हान पेलले. त्याचबरोबर फरहानने भारताविरुद्ध टी-20 मध्ये दुसऱ्यांदा अर्धशतक ठोकले असून, असे करणारा तो तिसरा पाकिस्तानी फलंदाज ठरला आहे.

भारताविरुद्ध एका टी-20 मध्ये सर्वाधिक वेळा 50 पेक्षा जास्त धावा करणारे पाकिस्तानी खेळाडू:

• 2: मोहम्मद हाफीज
• 2: मोहम्मद रिझवान
• 2: साहिबजादा फरहान

हेही वाचा – IND vs PAK Final : भारताचा नाणेफेक जिंकून गोलंदाजीचा निर्णय! प्लेइंग इलेव्हनमध्ये केले तीन मोठे बदल

सामन्याबाबत बोलायचे झाले, तर भारताने नाणेफेक जिंकून प्रथम गोलंदाजीचा निर्णय घेतला. हार्दिक पांड्याच्या दुखापतीमुळे सुरुवातीला भारताची गोलंदाजी काहीशी कमकुवत दिसत होता. मात्र, भारतीय गोलंदाजांनी शानदार गोलंदाजी करत पाकिस्तानला 146 धावांत गारद केले. पाकिस्तानसाठी सर्वाधिक धावा साहिबझादा फरहानने (57) केल्या, तर भारतासाठी कुलदीप यादवने सर्वाधिक 4 विकेट्स घेतल्या.