IND vs NZ India’s Fastest 100 runs record in T20 WC : टी-२० विश्वचषकाच्या अंतिम सामन्यात भारतीय फलंदाजांनी आक्रमक पवित्रा घेत न्यूझीलंडच्या गोलंदाजांची दाणादाण उडवली आहे. या सामन्यात भारतीय संघाने प्रथम फलंदाजी करताान न्यूझीलंडची गोलंदाजी फोडून काढत २५५ धावांचा विशाल डोंगर उभारला. यादरम्यान भारतीय संघाने अवघ्या ७.२ षटकांत १०० धावांचा टप्पा ओलांडून न्यूझीलंडचाच एक मोठा विक्रम मोडला. यासह विश्वचषकाच्या इतिहासात एका नवीन विक्रमाची नोंद केली आहे. न्यूझीलंडचाच विक्रम केला फस्त – टी-२० विश्वचषकाच्या बाद फेरीत सर्वात वेगवान १०० धावा करण्याचा विक्रम आता भारताच्या नावावर नोंदवला गेला आहे. विशेष म्हणजे, भारताने न्यूझीलंडचाच विक्रम मोडीत काढला आहे. यापूर्वी याच विश्वचषकात न्यूझीलंडने दक्षिण आफ्रिकेविरुद्ध ७.५ षटकांत १०० धावा पूर्ण केल्या होत्या. या यादीत आता भारत पहिल्या, तर न्यूझीलंड दुसऱ्या स्थानावर फेकला गेला आहे. सलामीवीरांची ९८ धावांची तडाखेबंद भागीदारी – भारतीय सलामीवीर अभिषेक शर्मा आणि संजू सॅमसन यांनी पहिल्या विकेटसाठी ९८ धावांची तुफानी भागीदारी केली. अभिषेक शर्माने आपल्या टीकाकारांना चोख प्रत्युत्तर देत अवघ्या १८ चेंडूत अर्धशतक झळकावले. हे या विश्वचषकातील कोणत्याही फलंदाजाने केलेले सर्वात वेगवान अर्धशतक ठरले आहे. या खेळीमुळे अभिषेकने आपल्या खराब फॉर्मचा शिक्का पुसून काढत सर्वात मोठ्या व्यासपीठावर पुनरागमन केले आहे. बाद फेरीतील सर्वात वेगवान १०० धावा करणारे संग (क्रमवारी): भारत: ७.२ षटके (वि. न्यूझीलंड, २०२६ फायनल) न्यूझीलंड: ७.५ षटके (वि. दक्षिण आफ्रिका, २०२६) इंग्लंड: ८.१ षटके (वि. भारत, २०२६ सेमीफायनल) भारत: ८.३ षटके (वि. इंग्लंड, २०२६ सेमीफायनल) हेही वाचा – IND vs NZ : टीम इंडियाने फायनलमध्ये लावली विक्रमांची रांग! टी-२० विश्वचषकाच्या इतिहासात पहिल्यांदाच घडला अद्भुत पराक्रम
