यशस्वी जैस्वालचा इंग्लंडविरुद्ध कसोटी क्रिकेटमधील रेकॉर्ड कमालीचा आहे. त्याने आतापर्यंत इंग्लंडविरुद्ध 1100 हून अधिक धावा केल्या असून, हे त्याचे या संघाविरुद्ध चौथे कसोटी शतक आहे. या कामगिरीसह तो रोहित शर्मा आणि सुनील गावस्कर यांच्याबरोबर संयुक्तपणे चौथ्या क्रमांकावर आहे. इंग्लंडविरुद्ध भारताकडून सर्वाधिक कसोटी शतके झळकावण्याचा विक्रम राहुल द्रविड आणि सचिन तेंडुलकर यांच्या नावावर आहे. दोघांनीही प्रत्येकी 7 शतके ठोकली आहेत. यशस्वी सध्या या यादीत चौथ्या स्थानी आहे, जिथे त्याच्यापुढे कर्णधार शुबमन गिलसह इतर काही भारतीय खेळाडू आहेत.
\n\nसचिनचा मोडला विक्रम –
\n\n\n𝙔𝙖𝙨𝙝𝙖𝙨𝙫𝙞 𝙅𝙖𝙞𝙨𝙬𝙖𝙡 🫶
\nHundred in the first innings of the series 👌
\nHundred (and going strong) in the last innings of the series 💪
\nUpdates ▶️ https://t.co/Tc2xpWMCJ6#TeamIndia | #ENGvIND | @ybj_19 pic.twitter.com/hJswO7a4Kt
\n— BCCI (@BCCI) August 2, 2025
\nयशस्वी जैसेवालच्या शानदार कामगिरीचा अंदाज यावरूनही येतो की, त्याने ओव्हल कसोटी सामन्यादरम्यान मास्टर ब्लास्टर सचिन तेंडुलकरचा मोठा विक्रम मोडला. वयाच्या 23व्या वर्षी यशस्वीने इंग्लंडविरुद्ध कसोटी क्रिकेटमध्ये सर्वाधिक फिफ्टी प्लस धावसंख्या (50+ स्कोअर) नोंदवणारा भारतीय खेळाडू बनण्याचा मान मिळवला. यशस्वीची ही 9वी फिफ्टी प्लस खेळी आहे, तर सचिनने वयाच्या 23व्या वर्षी इंग्लंडविरुद्ध 8 फिफ्टी प्लस खेळी केल्या होत्या.यशस्वीच्या या दमदार खेळीने भारतीय संघाला सामन्यात मजबूत स्थितीत आणले आहे. त्याच्या या कामगिरीमुळे भारतीय क्रिकेट चाहत्यांमध्ये उत्साहाचे वातावरण आहे.