मुंबई: भारत आणि इंग्लंड यांच्यातील महिला वनडे मालिकेत भारतीय कर्णधार हरमनप्रीत कौरने ऐतिहासिक कामगिरी केली आहे. इंग्लंडच्या भूमीवर तीन वनडे शतके झळकावणारी ती पहिली परदेशी महिला क्रिकेटपटू ठरली. डरहम येथील रिव्हरसाईड मैदानावर झालेल्या तिसऱ्या वनडेत हरमनप्रीतने 84 चेंडूत 102 धावांची खणखणीत खेळी करत अनेक विक्रम स्वत:च्या नावावर केले.

हरमनप्रीतच्या या धमाकेदार शतकामुळे भारताने प्रथम फलंदाजी करताना 50 षटकांत 5 बाद 318 धावांचा डोंगर उभा केला. तिने 82 चेंडूत शतक पूर्ण करत इंग्लंडच्या गोलंदाजांना हैराण केलं. तिच्या खेळीत 14 चौकारांचा समावेश होता. हे तिच्या वनडे कारकिर्दीतील सातवे शतक ठरले. लॉन्ग ऑन आणि मिडविकेटच्या दिशेने खेळलेल्या शॉट्सनी प्रेक्षकांचेही मनोरंजन केले.

1⃣0⃣2⃣ runs
8⃣4⃣ deliveries
1⃣4⃣ fours

A sensational knock by Captain Harmanpreet Kaur in the series decider 💯👏

Updates ▶️ https://t.co/8sa2H24aBL#TeamIndia | #ENGvIND | @ImHarmanpreet pic.twitter.com/jkv2aRLSLL

— BCCI Women (@BCCIWomen) July 22, 2025

या खेळीदरम्यान हरमनप्रीतने वनडे क्रिकेटमध्ये 4,000 धावांचा टप्पा गाठला आणि मिताली राज व स्मृती मंधानानंतर हा पराक्रम करणारी तिसरी भारतीय महिला क्रिकेटपटू ठरली. तसेच, इंग्लंडमध्ये 1,000 वनडे धावा करणारी मिताली राजनंतरची दुसरी भारतीय खेळाडू बनली.

भारताचा मोठा स्कोअर
हरमनप्रीतच्या शतकासह जेमिमा रोड्रिग्जने 50, स्मृती मंधाना व हरलीन देओल यांनी प्रत्येकी 45, तर ऋचा घोषने नाबाद 38 धावांचे योगदान दिले. या मालिकेतील पहिली मॅच भारताने, तर दुसरी इंग्लंडने जिंकली आहे. त्यामुळे तिसरी मॅच जिंकणारा संघ मालिका खिशात घालणार आहे. याआधीच्या टी-20 मालिकेत भारताने 3-2 ने विजय मिळवला होता.