IND vs ENG 1st Test Updates : भारत आणि इंग्लंड यांच्यातील पाच सामन्यांच्या कसोटी मालिकेत पहिला सामना लीड्समधील ऐतिहासिक हेडिंग्ले मैदानावर खेळला जात आहे. या सामन्यातने इंग्लंडने नाणेफेक जिंकून भारताला प्रथम फलंदाजीसाठी आमंत्रित केले आहे. भारताकडून या सामन्यात साई सुदर्शनला पदार्पणाची संधी देण्यात आली आहे. त्याचबरोबर करुण नायरचे सात वर्षांनी प्लेइंग इलेव्हनमध्ये पुनरागमन झाले आहे. विशेष म्हणजे नितीश रेड्डी आणि कुलदीप यादव यांसारखे खेळाडू प्लेइंग इलेव्हनमधून वगळले गेले आहेत.