IND vs BAN : एकाच कसोटी मालिकेत ‘हे’ पाच विक्रम मोडू शकतो आर. अश्विन, येथे पहा संपूर्ण यादी….
IND vs BAN Test Series (Ravichandran Ashwin) : टीम इंडिया आता 19 सप्टेंबरला ॲक्शनमध्ये दिसणार आहे. जेव्हा भारतीय खेळाडू बांगलादेशविरुद्धच्या पहिल्या कसोटी सामन्यात खेळायला मैदानात उतरतील. हा सामना चेन्नईत होणार आहे. या मालिकेतील पहिल्या सामन्यासाठी भारतीय संघ चेन्नईमध्ये जोरदार सराव करत आहे. बांगलादेशचे खेळाडूही चेन्नईला पोहोचले आहेत. उभय संघांदरम्यान खेळली जाणारी ही मालिका 2023-25 च्या वर्ल्ड टेस्ट चॅम्पियनशिपचा भाग आहे.
दरम्यान, टीम इंडियाचा स्टार खेळाडू आर अश्विन या मालिकेदरम्यान एक-दोन नव्हे तर पाच विक्रम मोडू शकतो. अश्विनच्या नावावर यापूर्वीही अनेक मोठे विक्रम आहेत. अशा परिस्थितीत अश्विन कोणते मोठे विक्रम मोडण्याच्या अगदी जवळ आहे हे जाणून घेऊया….
1. अश्विनला बांगलादेशविरुद्ध सर्वाधिक विकेट्स घेण्याचा विक्रम करण्याची संधी आहे. बांगलादेशविरुद्धच्या 6 कसोटी सामन्यांमध्ये त्याच्या नावावर 23 विकेट आहेत. हा विक्रम मोडण्यासाठी अश्विनला फक्त 9 विकेट्सची गरज आहे. अश्विनने या मालिकेत असे केले तर तो भारताचा माजी वेगवान गोलंदाज झहीर खानचा विक्रम मोडेल. बांगलादेशविरुद्ध कसोटीत झहीर खानने एकूण 31 बळी घेतले होते.
2. अश्विन भारतीय भूमीवर सर्वाधिक कसोटी बळी घेणारा गोलंदाजही होऊ शकतो. अनिल कुंबळेचा 476 बळींचा विक्रम मोडण्यासाठी त्याला 22 विकेट्सची गरज आहे. कुंबळेने कसोटी क्रिकेटमध्ये भारतासाठी 619 कसोटी बळी घेतले आहेत, जो विक्रम अद्याप कोणत्याही भारतीय गोलंदाजाला मोडता आलेला नाही.
3. या वर्ल्ड टेस्ट चॅम्पियनशिप 2023-25 सायकलमध्ये अश्विन सर्वाधिक विकेट घेणारा गोलंदाजही बनू शकतो. सध्या या यादीत ऑस्ट्रेलियाचा वेगवान गोलंदाज जोश हेझलवूड पहिल्या स्थानावर आहे, ज्याने 51 विकेट घेतल्या आहेत. अश्विनला हेझलवूडला मागे टाकण्यासाठी फक्त 10 विकेट्सची गरज आहे.
4. अश्विन जागतिक कसोटी चॅम्पियनशिपच्या इतिहासात सर्वाधिक बळी घेणाऱ्या गोलंदाजांच्या यादीतही अव्वल स्थानी पोहोचू शकतो. अश्विनला यासाठी 14 विकेट्सची गरज आहे. सध्या ऑस्ट्रेलियन फिरकीपटू नॅथन लायनच्या नावावर 187 बळींचा विक्रम आहे, तर अश्विनने 35 सामन्यांत 174 बळी घेतले आहेत.
5. नॅथन लायनच्या आणखी एका विक्रमावर अश्विनची नजर असेल. अश्विन डब्ल्यूटीसीच्या इतिहासात सर्वाधिक वेळा पाच बळी घेण्याचा विक्रमही मोडू शकतो. या मालिकेत त्याने एकदा पाच विकेट घेतल्यास तो संयुक्त अव्वल स्थानावर लियोनसोबत सामील होईल. दोन वेळा पाच विकेट घेतल्यावर तो नॅथन लायनला मागे टाकेल.
