IND vs BAN : दुसऱ्या टी-20 मध्ये ‘अशी’ असू शकते भारत-बांगलादेशची Playing 11, जाणून घ्या…पिच रिपोर्ट आणि लाईव्ह स्ट्रिमिंग
IND vs BAN 2nd T20 (Playing XI & Pitch Report) : भारत आणि बांगलादेश मालिकेतील दुसरा टी-20 सामना 9 ऑक्टोबर रोजी दिल्लीतील अरुण जेटली स्टेडियमवर खेळवला जाणार आहे. भारतीय संघाने पहिला सामना 49 चेंडू शिल्लक असताना 7 विकेटने जिंकला. पहिल्याच सामन्यात मयंक यादव आणि नितीश रेड्डी यांनीही भारताकडून पदार्पण केले.
आता सर्वांच्या नजरा दुसऱ्या टी-20 सामन्याकडे लागल्या आहेत, जो जिंकून भारत मालिकेत 2-0 अशी अभेद्य आघाडी घेईल. सर्वप्रथम, अरुण जेटली स्टेडियमच्या खेळपट्टीचे स्वरूप काय असेल आणि दोन्ही संघ कोणत्या Playing 11 सह मैदानात उतरू शकतात हे जाणून घेऊया?
पिच रिपोर्ट….
इतिहास साक्षी आहे की, अरुण जेटली स्टेडियमची खेळपट्टी बहुतांशी फलंदाजीसाठी योग्य मानली जाते. मैदानाची सीमारेषा लहान असल्याने चौकार-षटकार मारणे सोपे जाते. आयपीएल 2024 मध्ये, या मैदानावर खेळल्या गेलेल्या शेवटच्या 5 सामन्यांपैकी 8 डावांमध्ये 200 किंवा त्याहून अधिक धावा झाल्या आहेत. दुसरीकडे, जसजसा सामना पुढे सरकतो, तसतशी फिरकी गोलंदाजांना खेळपट्टीवरून मदत मिळू लागते. आंतरराष्ट्रीय सामन्यांबद्दल बोलायचे झाले तर या मैदानावर पहिल्या डावातील सरासरी धावसंख्या 139 धावांची आहे. प्रथम फलंदाजी करणाऱ्या संघाला 13 सामन्यांत केवळ 4 वेळा विजय मिळवता आला आहे.
भारताचे संभाव्य प्लेइंग इलेव्हन : मालिकेतील पहिल्या सामन्यात भारतीय संघाने फलंदाजीपासून गोलंदाजी आणि क्षेत्ररक्षणापर्यंत सर्वच बाबतीत चमकदार कामगिरी केली. मयंक यादव आणि नितीश कुमार यांनीही पदार्पणाच्या सामन्यात चांगली कामगिरी केली. पहिल्या सामन्यातील कामगिरी पाहता टीम इंडिया दुसऱ्या सामन्यासाठी आपल्या प्लेइंग इलेव्हनमध्ये काही बदल करेल अशी आशा फारशी दिसत नाही.
अभिषेक शर्मा, संजू सॅमसन, सूर्यकुमार यादव, नितीश रेड्डी, हार्दिक पंड्या, रियान पराग, रिंकू सिंग, वॉशिंग्टन सुंदर, वरुण चक्रवर्ती, अर्शदीप सिंग, मयंक यादव.
बांगलादेशचे संभाव्य प्लेइंग इलेव्हन : पहिल्या सामन्यात मोठ्या फरकाने पराभूत झाल्यानंतर, पाहुणा संघ आपल्या प्लेइंग इलेव्हनमध्ये बदल करून मैदानात उतरेल. पहिल्या सामन्यात तस्किन अहमदची गोलंदाजी खराब झाली होती, त्यामुळे यावेळी बांगलादेश संघ सध्या चांगल्या फॉर्मात असलेल्या तनझिम हसन शाकिबला संधी देऊ शकतो.
लिटन दास, परवेझ हुसेन, नजमुल शांतो, ताहिद हृदय, महमुदुल्ला, झेकर अली, मेहदी हसन मिराज, रिशाद हुसेन, तस्किन अहमद, मुस्तफिजुर रहमान, शरीफुल इस्लाम.
भारतात हा सामना कुठे बघायचा..
भारत विरुद्ध बांगलादेश टी20 मालिकेचे थेट प्रसारण जिओ सिनेमा ॲप आणि वेबसाइटवर केले जाईल, तर थेट प्रक्षेपण स्पोर्ट्स 18 चॅनल 1 आणि स्पोर्ट्स 18 चॅनल 1 एचडी वर केले जाईल.
