IND vs AUS 4th Test : – बॉर्डर-गावस्कर कसोटीच्या तिसऱ्या दिवसाच्या खेळाला ऋषभ पंत आणि रवींद्र जडेजाने सुरुवात केली. पंतने आपल्या शैलीत फलंदाजीला सुरुवात केली. मात्र 28 धावांवर खेळत असताना ऋषभ पंत स्कूप शॉट खेळण्याच्या नादात बाद झाला. पंतने बेजबाबदार फटका मारून बाद झाल्याबद्दल माजी क्रिकेटपटू व समालोचक सुनील गावस्कर यांनी पंतला फाटकारताना शतक झळकावणाऱ्या नितीशकुमार रेड्डीचे कौतुक केले आहे.

ऑस्ट्रेलियाविरुद्धच्या चौथ्या कसोटीत भारतीय संघाला 5 बाद 159 झाली असताना पंत फलंदाजीसाठी आला. त्याने व रवींद्र जडेजाने तिसऱ्या दिवशी झटपट धावा जमवायला सुरुवात देखील केली होती. त्यावेळी भारताला चांगल्या भागीदारीची नितांत गरज होती. पंत त्याच्याच आक्रमक शैलीमध्ये फटकेबाजी करत होता. दरम्यान अनावश्यक फटका मारण्याच्या नादात तो स्कूप शॉट खेळण्याच्या प्रयत्न केला. यावेळी बोलंड गोलंदाजी करत होता. पंतचा फटका हुकला व चेंडूत डीप थर्डमॅनवर उभ्या असलेल्या नॅथन लॉयनच्या हातात स्थिरावला.

गावस्कर यांनी समालोचन करताना यावर कडाडून टीका केली. ते म्हणाले, तिथे दोन क्षेत्ररक्षक उभे आहेत, पण तरीही हा शॉट खेळला गेला. मागील शॉटवर चुकला असताना ही पुन्हा त्याने प्रयत्न केला आहे आणि आता उडालेला झेल डीप थर्ड मॅनवर पकडला गेला आहे. पंतचा बेजबाबदार फटका म्हणजे तुम्ही ऑस्ट्रेलियाला विकेट बहाल केली आहे. तेही जेव्हा संघ अशा कठीण परिस्थितीत असतो. खेळाडूंनी परिस्थितीही समजून घ्यायला हवी होती. हा तुमचा नैसर्गिक खेळ आहे, असे तुम्ही प्रत्येक वेळी म्हणू शकत नाही. हा तुमचा नैसर्गिक खेळ नाही. तुम्ही संघाची निराशा केली आहे, असे गावस्कर म्हणाले.

IND vs AUS 4th Test : जोखीमपूर्ण धाव घेण्याची आवश्यकता नव्हती – सुनील गावस्कर

भारताचे माजी प्रशिक्षक रवी शास्त्री यांनी हा फटका धोकादायक असल्याचे म्हटले आहे. 176 चेंडूत नाबाद 105 धावा करणाऱ्या 21 वर्षीय रेड्डीच्या खेळीचे कौतुक करताना गावस्कर म्हणाले, “नितीश कुमार रेड्डी यांचे हे शतक भारतीय क्रिकेटच्या इतिहासातील सर्वात महान शतकांपैकी एक आहे.”