India vs Afghanistan 3rd T20 2024, Live Cricket Score :  भारत आणि अफगाणिस्तान यांच्यातील तीन सामन्यांच्या T20 मालिकेतील तिसरा आणि शेवटचा सामना बेंगळुरूच्या चिन्नास्वामी स्टेडियमवर खेळला जात आहे. या मालिकेत टीम इंडिया सध्या 2-0 ने आघाडीवर आहे. भारतीय संघाने दोन्ही सामने प्रत्येकी सहा गडी राखून जिंकले. जूनमध्ये होणाऱ्या टी-20 विश्वचषकापूर्वी टीम इंडियाची ही शेवटची टी-20 मालिका आहे.

नाणेफेक जिंकून प्रथम फलंदाजी करताना भारतीय संघानं 20 षटकांत 4 गडी गमावून 212 धावा केल्या असून अफगाणिस्तानसमोर 213 धावांचे लक्ष्य ठेवले आहे.  22 धावांवर चार विकेट पडल्यानंतर बेंगळुरूच्या चिन्नास्वामी स्टेडियमवर रोहित आणि रिंकूचं तुफान दिसलं. एकवेळ भारताने 22 धावांत चार विकेट गमावल्या होत्या. यानंतर रोहित आणि रिंकूने पाचव्या विकेटसाठी 95 चेंडूत 190 धावांची नाबाद भागीदारी केली. टीम इंडिया 200 चा स्कोअर गाठू शकेल असे कोणाला वाटले नव्हते, पण हिटमॅन आणि रिंकूने फटकेबाजी करताना मोठी धावसंख्या उभारली.

Innings Break!

A milestone TON from captain @ImRo45 🔝
A stunning half-century from @rinkusingh235 👌#TeamIndia post 212/4 on the board.

Scorecard ▶️ https://t.co/oJkETwOHlL #INDvAFG | @IDFCFIRSTBank pic.twitter.com/DWHAtdkyyM

— BCCI (@BCCI) January 17, 2024

रोहितने त्याच्या T20 आंतरराष्ट्रीय कारकिर्दीतील विक्रमी पाचवे शतक झळकावले. तो या फॉरमॅटमध्ये सर्वाधिक शतके करणारा खेळाडू ठरला आहे. त्याने 69 चेंडूंत 11 चौकार आणि आठ षटकारांच्या मदतीने 121 धावा केल्यानंतर नाबाद राहिला. रोहित 14 महिन्यांनंतर या फॉरमॅटमध्ये पुनरागमन करत आहे. पहिल्या दोन सामन्यात त्याला खातेही उघडता आले नव्हते, पण आता त्याने धमाकेदार पुनरागमन केले आहे. त्याचवेळी, रिंकूने तिच्या टी-20 आंतरराष्ट्रीय कारकिर्दीतील दुसरे अर्धशतक झळकावले. 39 चेंडूत 69 धावा केल्यानंतर तो नाबाद राहिला. आपल्या खेळीत त्याने दोन चौकार आणि सहा षटकार मारले.

22 धावांत गमावल्या चार विकेट… 

टीम इंडियाने पहिल्या पाच षटकात 22 धावांत चार विकेट गमावल्या. यशस्वी जैस्वाल चार धावा करून बाद झाला तर शिवम दुबे एक धाव काढून बाद झाला. तर विराट कोहली आणि संजू सॅमसन यांना भोपळाही फोडता आला नाही.

फरीद अहमदचे सर्वाधिक 3 बळी

अफगाणिस्तानकडून फरीद अहमदने सर्वाधिक 3 बळी घेतले. यादरम्यान त्याने 4 षटकात 20 धावा दिल्या. याशिवाय अजमतुल्ला उमरझाईने 1 बळी घेतला. दरम्यान त्याने 4 षटकात 33 धावा दिल्या. इतर एकाही अफगाण गोलंदाजाला विकेट घेता आली नाही.

#NZvPAK 3rd T20 : पाकची हाराकिरी सुरूच, न्यूझीलंडविरुद्धच्या तिसऱ्या टी-20 सामन्यासह मालिकाही गमावली…

शेवटच्या 5 षटकांत झंझावाती फलंदाजी…

शेवटच्या पाच षटकात भारताने एकही विकेट न गमावता 103 धावा केल्या. शेवटचे षटक करीम जनत याने टाकले आणि या षटकात रोहित आणि रिंकूने 36 धावा केल्या. रोहितने पहिल्याच चेंडूवर चौकार ठोकला. यानंतर रोहितने दुसऱ्या चेंडूवर षटकार ठोकला. त्याला नो बॉल देण्यात आला. फ्री हिटवर रोहितने पुन्हा षटकार ठोकला. तिसऱ्या चेंडूवर रोहितने एक धाव घेतली. रिंकूने चौथ्या चेंडूवर षटकार ठोकला. यानंतर रिंकूने शेवटच्या तीन चेंडूंवर सलग तीन षटकार ठोकले.

Rohit Sharma 🤝 Rinku Singh

OuR’RR’ 😎 💪#TeamIndia | #INDvAFG | @IDFCFIRSTBank | @ImRo45 | @rinkusingh235 pic.twitter.com/SfKSl07JoE

— BCCI (@BCCI) January 17, 2024

रोहितची T20 मधील सर्वोच्च धावसंख्या…

121 धावा ही रोहितची या फॉरमॅटमधील सर्वोच्च धावसंख्या आहे. यापूर्वी त्याने 2017 मध्ये श्रीलंकेविरुद्ध 118 धावा केल्या होत्या. रोहितने 5 वर्षे आणि दोन महिने किंवा 62 महिने किंवा 1899 दिवसांनी टी-20 आंतरराष्ट्रीय क्रिकेटमध्ये शतक केले आहे. नोव्हेंबर 2018 मध्ये त्याने वेस्ट इंडिजविरुद्ध शेवटचे शतक झळकावले होते.

दरम्यान, भारतीय संघाने पहिले दोन टी-20 सामने जिंकून मालिका आधीच जिंकली आहे. आता तिसरी टी-20 जिंकून रोहित ब्रिगेडला अफगाणिस्तानचा सफाया करायचा आहे. टीम इंडियाने तिसरा टी20 सामना जिंकला तर त्याच्या नावावर एक मोठा विक्रम होईल. जर भारतीय संघाने आज तिसर्‍या T20 मध्ये अफगाणिस्तानचा पराभव केला तर तो T20 आंतरराष्ट्रीय मध्ये सर्वाधिक क्लीन स्वीप (Clean Sweep) करणारा संघ बनेल. सध्या हा विश्वविक्रम भारत आणि पाकिस्तान यांच्याकडे संयुक्तपणे आहे. मात्र, आज भारताने विजय मिळवला तर पाकिस्तानला मागे टाकून सर्वाधिक क्लीन स्वीप करण्याचा विश्वविक्रम त्याच्या नावावर होईल. भारतीय संघाने आतापर्यंत 8 वेळा आंतरराष्ट्रीय T20 मध्ये क्लीन स्वीप केला आहे तर पाकिस्तान संघाने देखील 8 वेळा क्लीन स्वीप केला आहे.