लंडन : समाजात कपडे परिधान करून वावरणे हा एक संस्कृतीचा भाग असतो व जगात अशी काही ठिकाणे आहेत जिथे लोकांना कपडे घालायला आवडत नाहीत जिथे लोकांनी शतकानुशतके कपडे घालण्याची परंपरा सोडली आहे.
या गावातील लोक गरीब आहेत आणि त्यांच्याकडे कपडे घेण्यासाठी पैसे नाहीत असेही नाही लोक आर्थिकदृष्ट्या मजबूत आहेत आणि त्यांच्याकडे सर्व प्रकारच्या सुविधा आहेत, परंतु तरीही ते कपड्यांशिवाय आनंदी राहतात.
ब्रिटनमधील हर्टफोर्डशायर येथे असलेले स्पीलप्लॅट्झ नावाचे हे गाव आहे या गावातील लोक 90 वर्षांहून अधिक काळ एक अनोखी परंपरा पाळत आहेत, ती म्हणजे – कपडे न घालणे या गावातील लोक सुशिक्षित आणि आर्थिकदृष्ट्या संपन्न आहेत तरीही येथे लहान मुले, वृद्ध, महिला आणि पुरुष कपड्यांशिवाय आरामात राहतात. १९२९ मध्ये इस्युल्ट रिचर्डसन नावाच्या व्यक्तीने या गावाचा शोध लावला. त्याला ही जागा इतकी आवडली की त्याने इथेच स्थायिक होण्याचा निर्णय घेतला.
आज या गावात एक पब, स्विमिंग पूल आणि क्लब देखील आहे. येथे येणाऱ्या प्रत्येक व्यक्तीला गावातील नियम पाळावे लागतात. विशेष म्हणजे खेड्यातील लोक शहरात गेल्यावर कपडे घालतात, पण गावात परत येताच ते नैसर्गिक स्थितीत परततात. तथापि, ते हिवाळ्याच्या हंगामात किंवा कोणत्याही विशेष प्रसंगी कपडे घालू शकतात. या गावातील लोक ही अनोखी जीवनशैली अतिशय आरामात जगतात आणि त्यांना याबद्दल कोणतीही खंत नाही.
हे गाव आपल्या अनोख्या जीवनशैलीसाठी जगभर प्रसिद्ध आहे, इथले लोक कपड्यांशिवाय मुक्तपणे राहतात. येथे येणाऱ्या पर्यटकांनाही हा नियम पाळावा लागतो.उन्हाळा असो की हिवाळा, येथील लोकांना निसर्गाशी एकरूप वाटते. तथापि, खूप थंड असताना कपडे घालण्याचे स्वातंत्र्य आहे. त्याचबरोबर गावातील लोक बाहेर जाताना कपडे घालतात पण परत येताच कपडे काढावे लागतात. गावातील वृद्ध मानतात की या परंपरेमुळे त्यांना आंतरिक स्वातंत्र्य जाणवते.
