Pune News : पुणेकरांसाठी अत्यंत महत्त्वाची बातमी समोर आली आहे. शहरातील सर्वाधिक वर्दळीच्या आणि मध्यवर्ती भागांना जोडणाऱ्या भिडे पुलावरील वाहतूक पुढील तीन महिन्यांसाठी पूर्णपणे बंद ठेवण्याचा निर्णय प्रशासनाने घेतला आहे. मेट्रोच्या सुरू असलेल्या कामामुळे हा निर्णय घेण्यात आला असून वाहनचालकांना आता पर्यायी मार्गांचा वापर करावा लागणार आहे.

महामेट्रोकडून मिळालेल्या माहितीनुसार, डेक्कन जिमखाना मेट्रो स्थानकाला मुख्य मार्गाशी जोडण्यासाठी विशेष पादचारी पूल उभारण्याचे काम सुरू आहे. हा पूल भिडे पुलाच्या वरच्या बाजूस बांधण्यात येत असल्याने कामादरम्यान सुरक्षिततेच्या दृष्टीने पुलावरील वाहतूक पूर्णपणे बंद ठेवण्यात येणार आहे.

प्रशासनाच्या आदेशानुसार ९ जूनच्या मध्यरात्रीपासून ते ५ सप्टेंबरपर्यंत भिडे पुलावरून सर्व प्रकारच्या वाहनांच्या वाहतुकीस बंदी असेल. काम जलदगतीने पूर्ण करण्यासाठी महामेट्रोकडून प्रयत्न सुरू असून नागरिकांच्या सुरक्षेला प्राधान्य देण्यात आले आहे.   (Pune News )

हेही वाचा : Rohit Pawar: “मतांसाठी फसवणूक करणारं विश्वासघातकी सरकार”; रोहित पवारांचा हल्लाबोल

दरम्यान, या निर्णयामुळे दररोज या मार्गाचा वापर करणाऱ्या हजारो वाहनचालकांना मोठा फटका बसणार आहे. शहरातील मध्यवर्ती भागातील वाहतुकीवर याचा परिणाम होण्याची शक्यता व्यक्त केली जात आहे. त्यामुळे वाहतूक पोलिसांनी नागरिकांना पर्यायी मार्गांचा वापर करण्याचे आवाहन केले आहे.  (Pune News )

 

भिडे पुलाचे शहराच्या वाहतूक व्यवस्थेतील महत्त्व लक्षात घेता, नियोजित मुदतीत काम पूर्ण करून वाहतूक पूर्ववत सुरू करावी, अशी अपेक्षा पुणेकरांकडून व्यक्त केली जात आहे.

हेही वाचा : Martyr Pravin Janjal: महाराष्ट्राच्या वीरसुपुत्राला मरणोत्तर ‘कीर्ती चक्र’; अश्रू अनावर झालेल्या वीरमातेला राष्ट्रपतींनी प्रोटोकॉल मोडून मारली मिठी